2024 കിയ സോനെറ്റ് ഫെയ്സ്ലിഫ്റ്റ് വിപണിയിലേക്ക് എത്താൻ ഒരുങ്ങുകയാണ്. ഇപ്പോഴിതാ കമ്പനി ഈ കാറിന്റെ പ്രധാന എഞ്ചിൻ സവിശേഷതകളും ഇന്ധനക്ഷമത അളവുകളും വെളിപ്പെടുത്തിയിരിക്കുകയാണ്.
സോണറ്റ് സബ് കോംപാക്റ്റ് എസ്യുവിയുടെ മോഡൽ ലൈനപ്പ് 1.2 എൽ നാച്ചുറലി ആസ്പിറേറ്റഡ് പെട്രോൾ, 1.0 എൽ ടർബോ പെട്രോൾ, 1.5 എൽ ഡീസൽ വേരിയന്റുകൾ ഉൾപ്പെടെ നിലവിലുള്ള എഞ്ചിനുകൾ നിലനിർത്തും.
5-സ്പീഡ് മാനുവൽ ഗിയർബോക്സിനൊപ്പം മാത്രമായി ലഭ്യമായ 1.2L നാച്ചുറലി ആസ്പിറേറ്റഡ് ഗ്യാസോലിൻ യൂണിറ്റ്, 18.83kmpl എന്ന ഇന്ധനക്ഷമത റേറ്റിംഗോടെ, 83PS-ന്റെ പവർ ഔട്ട്പുട്ടും 115Nm ടോർക്കും നൽകുന്നു.
ടർബോ-പെട്രോൾ എഞ്ചിൻ 6-സ്പീഡ് iMT അല്ലെങ്കിൽ 7-സ്പീഡ് DCT ഓട്ടോമാറ്റിക് ഗിയർബോക്സ് ഉപയോഗിക്കുന്നു. 120PS ന്റെ പീക്ക് പവറും 172Nm ടോർക്കും സൃഷ്ടിക്കുന്ന ഈ എഞ്ചിൻ 18.7kmpl (iMT), 19.2kmpl (DCT) എന്നീ മൈലേജുകൾ കൈവരിക്കുന്നു.
1.5L ഡീസൽ എഞ്ചിൻ 116PS കരുത്തും 250Nm ടോർക്കും സൃഷ്ടിക്കും. 6-സ്പീഡ് iMT, 6-സ്പീഡ് മാനുവൽ, 6-സ്പീഡ് ഓട്ടോമാറ്റിക് എന്നിങ്ങനെ മൂന്ന് ഗിയർബോക്സ് ഓപ്ഷനുകൾ വാഗ്ദാനം ചെയ്യുന്നു.
ഡീസൽ-iMT കോമ്പിനേഷൻ ഏറ്റവും ഇന്ധനക്ഷമതയുള്ളതാണ്. 22.3 കിമി ആണ് അവകാശപ്പെടുന്ന മൈലേജ്.
അതേസമയം ഡീസൽ-ഓട്ടോമാറ്റിക് സജ്ജീകരണം 18.6kmpl ഇന്ധനക്ഷമത നൽകുന്നുവെന്നും കമ്പനി പറയുന്നു. ഡീസൽ-മാനുവൽ കോമ്പിനേഷന്റെ മൈലേജ് കണക്ക് ഇതുവരെ വെളിപ്പെടുത്തിയിട്ടില്ല.
2024 കിയ സോനെറ്റ് ഫെയ്സ്ലിഫ്റ്റിൽ 10.25 ഇഞ്ച് ഡിജിറ്റൽ ഡ്രൈവർ ഡിസ്പ്ലേ, പുതുക്കിയ കാലാവസ്ഥാ നിയന്ത്രണ പാനൽ, വയർലെസ് ഫോൺ ചാർജിംഗ്, സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ, 4-വേ പവർഡ് ഡ്രൈവർ സീറ്റ്, ക്രൂയിസ് കൺട്രോൾ തുടങ്ങിയ ഫീച്ചറുകൾ ലഭിക്കുന്നു.
സോനെറ്റിനൊപ്പം ലെവൽ 1 എഡിഎഎസ് സാങ്കേതികവിദ്യയും 360-ഡിഗ്രി ക്യാമറയും കിയ ഉൾപ്പെടുത്തിയിട്ടുണ്ട്. അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റവും (ADAS) ആണ്. ആറ് എയർബാഗുകൾ, ടയർ പ്രഷർ മോണിറ്ററിംഗ് സിസ്റ്റം (ടിപിഎംഎസ്), ഫ്രണ്ട് ആൻഡ് റിയർ പാർക്കിംഗ് സെൻസറുകൾ തുടങ്ങിയ മറ്റ് സുരക്ഷാ സാങ്കേതിക വിദ്യയും ഉൾപ്പെടുത്തിയിരിക്കുന്നു.
പുനർരൂപകൽപ്പന ചെയ്ത ഗ്രിൽ, മൂർച്ചയുള്ള എൽഇഡി ഹെഡ്ലൈറ്റുകൾ, നീളമുള്ള ഫാങ് ആകൃതിയിലുള്ള എൽഇഡി ഡിആർഎൽ, സ്ലീക്ക് എൽഇഡി ഫോഗ് ലാമ്പുകൾ, അപ്ഡേറ്റ് ചെയ്ത കണക്റ്റുചെയ്ത എൽഇഡി ടെയിൽലൈറ്റുകൾ, ട്വീക്ക് ചെയ്ത ബമ്പറുകൾ എന്നിവ ഉൾപ്പെടുന്നതാണ് പുറംഭാഗത്തെ മാറ്റങ്ങൾ.
ഈ മെച്ചപ്പെടുത്തലുകളോടെ, പുതിയ കിയ സോനെറ്റ് ഫെയ്സ്ലിഫ്റ്റിന് 7.79 ലക്ഷം മുതൽ 14.89 ലക്ഷം രൂപ വരെയാണ് അതിന്റെ നിലവിലെ എക്സ്-ഷോറൂം വില.
പ്രതികരിക്കാൻ ഇവിടെ എഴുതുക