തൃശൂര്: കോണ്ഗ്രസിന്റെ ലോക്സഭ തെരഞ്ഞെടുപ്പ് പ്രചാരണങ്ങള്ക്ക് തുടക്കം കുറിക്കാനായി പാര്ട്ടി ദേശീയ അധ്യക്ഷന് മല്ലികാര്ജുന് ഖാര്ഗെ ഇന്ന് കേരളത്തിൽ എത്തും. തൃശൂര് തേക്കിന്കാട് മൈതാനിയില് വൈകീട്ട് മൂന്നിന് നടക്കുന്ന മഹാജനസഭ എഐസിസി അധ്യക്ഷന് ഉദ്ഘാടനം ചെയ്യും.
സമ്മേളനത്തില് ഒരു ലക്ഷത്തോളം പേര് പങ്കെടുക്കും. സംസ്ഥാനത്തെ 25,177 ബൂത്തുകളില് നിന്ന് ബൂത്ത് പ്രസിഡന്റ്, വനിതാ പ്രസിഡന്റ് എന്നിവരടങ്ങുന്ന പ്രവര്ത്തകരും മണ്ഡലം മുതല് എഐസിസി വരെയുള്ള പ്രവര്ത്തകരും മഹാജനസഭയില് പങ്കെടുക്കും.
മഹാജനസഭയ്ക്ക് മുന്നോടിയായി രാവിലെ 11 ന് തെരഞ്ഞെടുപ്പ് സമിതി യോഗം നടക്കും. കെപിസിസി ഭാരവാഹികളും എഐസിസി അംഗങ്ങളും യോഗത്തില് പങ്കെടുക്കും.
പ്രതികരിക്കാൻ ഇവിടെ എഴുതുക