കരളിന്റെ ആരോഗ്യം മെച്ചപ്പെടുത്താൻ ഡയറ്റില് ഉള്പ്പെടുത്തേണ്ട ഭക്ഷണങ്ങള് എന്തൊക്കെയാണെന്ന് നോക്കാം…
ഒന്ന്…
ബീറ്റ്റൂട്ട് ആണ് ഒന്നാമതായി ഈ പട്ടികയില് ഉള്പ്പെടുന്നത്. നൈട്രേറ്റുകളാൽ സമ്പന്നമായ ബീറ്റ്റൂട്ട് വളരെ മികച്ചൊരു ആന്റി ഓക്സിഡന്റ് കൂടിയാണ്.ഇവ കരളിന്റെ ആരോഗ്യത്തിന് ഏറെ നല്ലതാണ്.
രണ്ട്…
രണ്ടാമതായി ബ്രൊക്കോളിയാണ് ഈ പട്ടികയില് ഉള്പ്പെടുന്നത്. സള്ഫര് ധാരാളം അടങ്ങിയിട്ടുള്ള പച്ചക്കറിയാണ് ബ്രൊക്കോളി. ഇത് കരളിലെ എല്ലാ വിഷാംശത്തേയും പുറംതള്ളാൻ സഹായിക്കും. ശരീരത്തിന്റെ മൊത്തം ആരോഗ്യത്തിനും ബ്രൊക്കോളി ഡയറ്റില് ഉള്പ്പെടുത്തുന്നത് ഉപകാരപ്പെടും.
മൂന്ന്…
അടുത്തതായി ബെറി പഴങ്ങളാണ് ഈ പട്ടികയില് ഉള്പ്പെടുന്നത്. ഫൈബറും ആന്റി ഓക്സിഡന്റുകളും, വിറ്റാമിന് സിയും ധാരാളം അടങ്ങിയ സ്ട്രോബെറി, ബ്ലൂബെറി, ബ്ലാക്ക്ബെറി, റാസ്ബെറി തുടങ്ങിയ ബെറി പഴങ്ങള് ഡയറ്റില് ഉള്പ്പെടുന്നത് കരളിന്റെ ആരോഗ്യത്തിന് മികച്ചവയാണ്. വിശപ്പ് നിയന്ത്രിക്കാനും
ഇവ സഹായിക്കും. ഒപ്പം ഇവ ദഹനം മെച്ചപ്പെടുത്തുകയും ഹൃദ്രോഗത്തില് നിന്നും പ്രമേഹത്തില് നിന്നും സംരക്ഷിക്കുകയും ചെയ്യും.
നാല്…
അടുത്തതായി ആപ്പിളാണ് ഈ പട്ടികയില് ഉള്പ്പെടുന്നത്. ഫൈബർ ധാരാളം അടങ്ങിയ ആപ്പിൾ കരളിലെ വിഷാംശം നീക്കാൻ സഹായിക്കും.
അഞ്ച്…
ഇനി മുന്തിരി യാണ് ഈ പട്ടികയില് ഉള്പ്പെടുന്നത്. കരളിന്റെ ആരോഗ്യത്തിന് മുന്തിരി കഴിക്കുന്നത് വളരെ നല്ലതാണ്. മുന്തിരിയിൽ ‘പോളിഫെനോൾസ്’ എന്ന ആന്റി ഓക്സിഡന്റുകൾ അടങ്ങിയിട്ടുണ്ട്. ഇവയാണ് കരളിന്റെ ആരോഗ്യത്തെ സംരക്ഷിക്കുന്നത്.
പ്രതികരിക്കാൻ ഇവിടെ എഴുതുക