കൊളാജൻ ഉൽപാദനം കുറഞ്ഞാൽ മുഖത്ത് ചുളിവുകൾ, നേർത്ത വരകൾ, ചർമ്മം തൂങ്ങൽ എന്നിങ്ങനെ മുഖത്ത് പ്രായക്കൂടുതല് തോന്നുന്നതിന്റെ ലക്ഷണങ്ങള് ഉണ്ടാകാം. ജീവിത ശൈലിയില് ഉണ്ടാകുന്ന മാറ്റങ്ങള് തന്നെയാണ് ഇതിന്റെ പ്രധാന കാരണം. അമിതമായി പഞ്ചസാരയുടെ ഉപയോഗം, ജങ്ക് ഫുഡിന്റെയും പ്രോസസിഡ് ഭക്ഷണങ്ങളുടെയും അമിത ഉപയോഗം എന്നിവ മൂലം ചര്മ്മത്ത് പ്രായക്കൂടുതല് തോന്നിയേക്കാം.
ചര്മ്മത്തിലെ ദൃഢതയും ഇലാസ്തികതയും നിലനിര്ത്തി, ചര്മ്മത്തെ സ്വാഭാവികമായി ചെറുപ്പമാക്കി സംരക്ഷിക്കാൻ സഹായിക്കുന്ന പ്രോട്ടീനുകളാണ് കൊളാജൻ. മുഖത്ത് പ്രായക്കൂടുതല് തോന്നിക്കാതിരിക്കാന് കൊളാജൻ ഉൾപ്പെട്ട ഭക്ഷണങ്ങള് കഴിക്കുന്നത് ഉത്തമമാണ്. അത്തരം ചില ഭക്ഷണങ്ങളെ പരിചയപ്പെടാം…
ഒന്ന്…
സിട്രസ് ഫ്രൂട്സാണ് ആദ്യമായി ഈ പട്ടികയില് ഉള്പ്പെടുന്നത്. ഓറഞ്ച്, നാരങ്ങ, ഗ്രേപ്പ് ഫ്രൂട്ട് തുടങ്ങിയ സിട്രസ് പഴങ്ങളിൽ അടങ്ങിയിരിക്കുന്ന വിറ്റാമിന് സി കൊളാജൻ ഉല്പാദിപ്പിക്കാന് സഹായിക്കും. അതിനാല് ഇവ കഴിക്കുന്നത് ചര്മ്മത്തെ ചെറുപ്പമായി സംരക്ഷിക്കാൻ സഹായിക്കും.
രണ്ട്…
മുട്ടയാണ് രണ്ടാമതായി ഈ ലിസ്റ്റിൽ ഉള്പ്പെടുന്നത്. മുട്ടയിലെ പ്രോട്ടീനും അമിനോ ആസിഡും കൊളാജൻ ഉല്പാദിപ്പിക്കാന് സഹായകമാണ്. അതിനാല് ദിവസവും ഒരു മുട്ട നിങ്ങളുടെ ഡയറ്റില് ഉള്പ്പെടുത്തുന്നത് നല്ലതാണ്.
മൂന്ന്…
ഫാറ്റി ഫിഷാണ് മൂന്നാമതായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് ഉൾപ്പെടുന്ന സാല്മണ് പോലെയുള്ള മീനുകൾ ഡയറ്റില് ഉള്പ്പെടുത്തുന്നതും ചര്മ്മത്തിലെ ദൃഢതയും ഇലാസ്തികതയും നിലനിര്ത്തി ചര്മ്മം ചെറുപ്പമായിരിക്കാന് സഹായിക്കും.
നാല്…
ബെറി പഴങ്ങളാണ് ഒടുവിൽ ഈ പട്ടികയില് ഉള്പ്പെടുന്നത്. സ്ട്രോബെറി, ബ്ലൂബെറി, ബ്ലാക്ക്ബെറി, റാസ്ബെറി തുടങ്ങിയ ബെറികളിൽ അടങ്ങിയിരിക്കുന്ന വിറ്റാമിന് സി, ആന്റി ഓക്സിഡന്റുകള് എന്നിവയും കൊളാജൻ ഉല്പാദിപ്പിക്കാന് സഹായിക്കും.
പ്രതികരിക്കാൻ ഇവിടെ എഴുതുക