ആരോഗ്യ പാനീയ വിഭാഗത്തില്നിന്ന് ഇന്ത്യക്കാരുടെ ജനപ്രീയ പാനീയമായ ഹോര്ലിക്സിന് മാറ്റം. പുതിയ ഭക്ഷ്യ സുരക്ഷാ വ്യവസ്ഥകള് പാലിക്കുന്നതിന്റെ ഭാഗമായാണ് ഹിന്ദുസ്ഥാന് യുണിലിവര് ഹോര്ലിക്സിനെ ‘ഹെല്ത്ത് ഡ്രിങ്ക്’ എന്ന കാറ്റഗറിയിൽ നിന്ന് മാറ്റി ഫങ്ഷണല് നൂട്രീഷ്ണല് ഡ്രിങ്ക്’ എന്ന വിഭാഗത്തിലേക്ക് ചേർത്ത. ഹോര്ലിക്സില്നിന്ന് ‘ഹെല്ത്ത്’ എന്ന ലേബല് ഒഴിവാക്കുകയും ചെയ്തിട്ടുണ്ട്.
ഭക്ഷ്യ സുരക്ഷ നിയമം 2006 അനുസരിച്ച് ആരോഗ്യ പാനീയം-എന്നതിന് വ്യക്തമായ നിര്വചനം നല്കാൻ ഇല്ലാത്തതിനാലാണ് ലേബല്മാറ്റം. ഫുഡ് സേഫ്റ്റി ആന്ഡ് സ്റ്റാന്ഡേഡ് അതോറിറ്റി ഓഫ് ഇന്ത്യ ഈയടുത്ത് ഇ-കൊമേഴ്സ് പ്ലാറ്റ്ഫോമുകള്ക്ക് പ്രത്യേക നിര്ദേശം പുറപ്പെടുവിച്ചിരുന്നു. പാല് ഉള്പ്പടെയുള്ള പാനീയങ്ങളെ ഹെല്ത്ത് ഡ്രിങ്ക്സ്, എനര്ജി ഡ്രിങ്ക്സ് എന്നിങ്ങനെ തരംതിരിക്കുന്നതില്നിന്ന് വിട്ടുനില്ക്കാനായിരുന്നു നൽകിയിരുന്ന നിര്ദേശം. തെറ്റിദ്ധരിപ്പിക്കുന്ന പരസ്യം കാരണം ഉപഭോക്താക്കള്ക്ക് ആശയക്കുഴപ്പമുണ്ടാകുന്നത് തടയാനായിരുന്നു നടപടി.
പാനീയങ്ങളിൽ അടങ്ങിയിരിക്കുന്ന പഞ്ചസാരയുടെ ഉയര്ന്ന തോത് സംബന്ധിച്ചുള്ള ആശങ്കകളെ തുടര്ന്നാണ് തീരുമാനം. ഏതാനും ദിവസംമുമ്പ് ബോണ്വിറ്റയില് പരിശോധന സംഘടിപ്പിച്ചിരുന്നു. ബോണ്വിറ്റയെയും മറ്റ് പാനീയങ്ങളെയും ആരോഗ്യ പാനീയങ്ങള് എന്ന് നാമകരണം ചെയ്യരുതെന്ന് ഇ-കൊമേഴ്സ് വെബ്സൈറ്റുകളോട് സര്ക്കാര് നിർദേശം നൽകിയിരുന്നു. ഭക്ഷ്യ സുരക്ഷാ നിയമങ്ങളില് വ്യക്തതയില്ലാത്തതായിരുന്നു അതിന് കാരണമായി പറഞ്ഞത്.
പ്രതികരിക്കാൻ ഇവിടെ എഴുതുക