തിരുവനന്തപുരം:തിരുവനന്തപുരം എഞ്ചിനീയറിംഗ് കോളേജ് ഡിജിറ്റല് ചിത്രങ്ങളുടെ ആധികാരികത നിര്ണ്ണയിക്കുന്നതിനും ഉറപ്പുവരുത്തുന്നതിനുമുള്ള സാങ്കേതിക വിദ്യയുടെ കണ്ടുപിടുത്തത്തിന് പേറ്റന്റ് സ്വന്തമാക്കി. ഈ സാങ്കേതിക വിദ്യ മെഡിക്കല് രോഗനിര്ണയം, ഫോറന്സിക് അന്വേഷണങ്ങള്, പൊലീസ് അന്വേഷണങ്ങള് തുടങ്ങിയ മേഖലകളില് തെളിവുകളായി ഉപയോഗിക്കുന്ന ഡിജിറ്റല് ചിത്രങ്ങളുടെ വിശ്വാസ്യത തെളിയിക്കുന്നതിനും ആധികാരികത ഉറപ്പുവരുത്തുന്നതിനും ഉപയോഗിക്കാം.ഇതിലൂടെ ഒരു ഡിജിറ്റല് ചിത്രത്തിലെ മാറ്റം വരുത്തിയ ഭാഗങ്ങള് കണ്ടെത്തുന്നതിനും കഴിയുമെന്ന് ഗവേഷകര് അറിയിച്ചു.
മൊബൈല് ഫോണ്, ഡിജിറ്റല് ക്യാമറ എന്നിവ ഉപയോഗിച്ച് പകര്ത്തിയതോ കമ്പ്യൂട്ടറില് സൂക്ഷിച്ചിരിക്കുന്നതോ ആയ ഡിജിറ്റല് ചിത്രങ്ങളുടെ ആധികാരികത നിര്ണ്ണയിക്കുന്നതിനും ഉറപ്പുവരുത്തുന്നതിനും ”ക്രിപ്റ്റോഗ്രാഫിക് ഹാഷ് ഫംഗ്ഷനും കയോട്ടിക് സീക്വന്സും ഉപയോഗിച്ച് വികസിപ്പിച്ചെടുത്ത ഈ സാങ്കേതികവിദ്യക്ക് കഴിയും. ഈ സാങ്കേതിക വിദ്യ ഉപയോഗിച്ച് ഡിജിറ്റല് ചിത്രങ്ങളില് ഉണ്ടാകുന്ന ഏതൊരു ചെറിയ മാറ്റവും പൂര്ണ്ണമായും കണ്ടെത്താനാകും.അധികാരപ്പെടുത്തിയ വ്യക്തിക്ക് ചിത്രത്തിന്റെ ആധികാരികത ഉറപ്പുവരുത്തുന്നതിനും മാറ്റം വരുത്തിയ ഭാഗങ്ങള് കണ്ടെത്തുന്നതിനും സാധിക്കും.ഈ സാങ്കേതിക വിദ്യ അതുകൊണ്ടുതന്നെ നിര്ണ്ണായകമായ മേഖലകളില് ഡിജിറ്റല് ചിത്രങ്ങള് സുരക്ഷിതമായി കൈമാറ്റം ചെയ്യുന്നതിനും അവയുടെ ആധികാരികതയും വിശ്വാസ്യതയും ഉറപ്പു വരുത്തുന്നതിനും ഉപയോഗപ്പെടും.”
പ്രതികരിക്കാൻ ഇവിടെ എഴുതുക