പാലക്കാട്: പാലക്കാട് ട്രെയിൻ തട്ടി വീണ്ടും കാട്ടാന ചരിഞ്ഞു. പാലക്കാട് കോയമ്പത്തൂര് പാതയില് കഞ്ചിക്കോട്ട് പന്നിമടയ്ക്ക് സമീപം രാത്രി 12 മണിക്കാണ് അപകടമുണ്ടായത്. തിരുവനന്തപുരത്തുനിന്ന് ചെന്നൈയിലേക്ക് പുറപ്പെട്ട ട്രെയിനാണ് പിടിയാനയെ ഇടിച്ചത്.
അപടകത്തെ തുടര്ന്ന് വനം വുകപ്പ് അധികൃതര് എത്തി ആനയ്ക്ക് ചികിത്സ നല്കിയിരുന്നു. 2.15 ടെയാണ് ആന ചെരിഞ്ഞത്. അപകടത്തെ തുടര്ന്ന് അരമണിക്കൂര് ട്രെയിന് ഗതാഗതം തടസപ്പെട്ടു. രണ്ടു വയസ്സ് തോന്നിക്കുന്ന പിടിയാനയുടെ തലയ്ക്കും പിന്ഭാഗത്തും ഗുരുതര പരിക്കേറ്റിരുന്നു.
അപകടസമയത്ത് പരിസരത്തുണ്ടായിരുന്ന ആനകള് ചിതറിയോടി.സംഭവത്തില് ലോക്കോപൈലറ്റിനെതിരെ കേസെടുക്കാനാണ് വനം വകുപ്പിന്റെ തീരുമാനം. ഈ മേഖലയില് ട്രെയിന് വേഗ പരിധി ലോക്കോപൈലറ്റുമാര് കൃത്യമായി പാലിക്കുന്നില്ലെന്ന് വനം വകുപ്പ് ആരോപിച്ചു.
കഴിഞ്ഞ മാസവും ട്രെയിൻ തട്ടി പരിക്കേറ്റ് ചികിത്സയിലായിരുന്ന കാട്ടാന ചരിഞ്ഞു. രാത്രി കുടിവെള്ളം തേടി ജനവാസമേഖലയിൽ ഇറങ്ങിയ പിടിയാന തിരികെ ട്രാക്ക് മറികടന്ന് വനത്തിലേക്ക് പോകുന്നതിനിടെയാണ് ട്രെയിൻ തട്ടിയത്.
താത്ക്കാലിക സംരക്ഷണ കേന്ദ്രത്തിലായിരുന്നു ആനയെ പാർപ്പിച്ചിരുന്നത്. എഴുന്നേറ്റ് നിൽക്കാൻ സാധിക്കാത്ത സ്ഥിതിയായതിനാലാണ് ചികിത്സ നൽകാനായി സംരക്ഷണ കേന്ദ്രത്തിലേക്ക് മാറ്റിയത്. പരിക്ക് ഭേദമായതിന് ശേഷം കാട്ടിൽ വിടാനായിരുന്നു വനംവകുപ്പിന്റെ തീരുമാനം. എന്നാൽ ചികിത്സയിൽ ഇരിക്കെ ആരോഗ്യനില വഷളായതായും റിപ്പോർട്ടുണ്ട്.
മലമ്പുഴ കൊട്ടേക്കാട് റെയിൽവേ ഗേറ്റിന് സമീപം പാളം മുറിച്ചുകടക്കുന്നതിനിടെയാണ് കാട്ടാനക്കൂട്ടത്തിലെ പിടിയാനയ്ക്ക് പരിക്കേറ്റത്. ഓടുന്നതിനിടെ താഴെ വീണപ്പോൾ ട്രെയിനിടിച്ചതാകാമെന്നാണ് കരുതുന്നത്. ആനക്ക് നിസാര പരിക്ക് മാത്രമാണ് ഉള്ളതെന്നായിരുന്നു ആദ്യ പരിശോധനയിൽ കണ്ടെത്തിയത്. വലത്തേ പിൻകാലിന്റെ അറ്റത്തായിരുന്നു പരിക്കേറ്റത്.
പ്രതികരിക്കാൻ ഇവിടെ എഴുതുക