കൊല്ലത്ത് മകനെ അമ്മ ഒറ്റയ്ക്ക് കൊലപ്പെടുത്തിയെന്ന് നിഗമനം. നെടുമ്പന കുരീപ്പള്ളി സെബദിയില് ജോബ്.ജി.ജോണിന്റെ മകന് ജിത്തു ജോബ് (14) ന്റെ മൃതദേഹമാണ് ഇന്നലെ വൈകിട്ട് വീടിനു സമീപത്തെ വാഴത്തോട്ടത്തില് കരിഞ്ഞ നിലയില് കണ്ടത്. കൊലയ്ക്ക് ശേഷം മൃതദേഹം കഷണങ്ങളാക്കി വീടിന് പിന്നിലും സമീപത്തെ റബര് തോട്ടത്തിലും വെച്ചാണ് കത്തിച്ചത്. മൃതദേഹം അവര് രണ്ടു ദിവസം പരിശോധിച്ചെന്നും പൊലീസ് പറയുന്നു. അതേസമയം, വസ്തുസംബന്ധിച്ച തര്ക്കമാണ് കൊലയ്ക്കു കാരണമെന്ന മൊഴി പൊലീസ് വിശ്വാസത്തിലെടുത്തിട്ടില്ല.
കഴുത്തും രണ്ടു കൈകളും കാലുകളും വെട്ടേറ്റ നിലയിലും കാല്പാദം വെട്ടിമാറ്റിയ നിലയിലുമായിരുന്നു. ഒരു കാലിന്റെ മുട്ടിനു താഴെ വെട്ടി നുറുക്കിയിട്ടുമുണ്ട്. മുഖം കരിഞ്ഞ് വികൃതമായ നിലയിലാണ്. സംഭവത്തില് പങ്കുണ്ടെന്ന സംശയത്തില് കുട്ടിയുടെ അമ്മയ്ക്കൊപ്പം ഒരു യുവാവിനെയും പൊലീസ് കസ്റ്റഡിയിലെടുത്തിരുന്നു. എന്നാല് യുവാവിനു സംഭവത്തില് പങ്കില്ലെന്നു കണ്ടെത്തിയതിനെ തുടര്ന്ന് ഇന്നലെ രാത്രി വിട്ടയച്ചു.
കുണ്ടറ എംജിഡിഎച്ച്എസിലെ ഒന്പതാംക്ലാസ് വിദ്യാര്ത്ഥിയായ ജിത്തു ജോബ് സ്കെയില് വാങ്ങാന് തിങ്കളാഴ്ച രാത്രി എട്ടോടെ വീട്ടില് നിന്ന് പോയതായിരുന്നു. ഏറെ വൈകിയിട്ടും തിരിച്ചെത്തിയില്ല. ഈ സമയം വീട്ടില് അമ്മ മാത്രമെ ഉണ്ടായിരുന്നുള്ളു. ജോലി കഴിഞ്ഞെത്തിയ ജോബ് മകനെ അന്വേഷിച്ചപ്പോള് കടയില് പോയിട്ടു തിരികെ വന്നില്ലെന്ന് ജയമോള് പറഞ്ഞു. ഉടന് ബന്ധുക്കളും സുഹൃത്തുക്കളുമായി രാത്രി മുഴുവന് തിരച്ചില് നടത്തി. ചൊവ്വ രാവിലെ 9.30നു ജോബ് ചാത്തന്നൂര് പൊലീസില് പരാതിയും നല്കി. ശേഷം പൊലീസ് എത്തി വിവരങ്ങള് ശേഖരിച്ചു. ഇന്നലെ കൊട്ടിയം സിഐ അജയ്നാഥും സംഘവും വീണ്ടും വീട്ടിലെത്തി ജയമോളെ ചോദ്യം ചെയ്തു. പരസ്പരവിരുദ്ധമായ കാര്യങ്ങളാണു ജയമോള് പറഞ്ഞത്. മൂന്നു മണിക്കുറോളം ചോദ്യം ചെയ്യല് തുടര്ന്നു. വീടും പരിസരവും സിഐയും സംഘവും പരിശോധിച്ചു.
തുടർന്ന് വീടിനു സമീപത്തെ ചുറ്റുമതിലിനോടു ചേര്ന്നു കണ്ട ചെരുപ്പുകള് ജിത്തുവിന്റെതാണെന്നു കണ്ടെത്തി. വീടിനു സമീപം തീ കത്തിച്ചതിന്റെ പാടുകളും ജയമോളുടെ കൈയ്യില് പൊള്ളിയ പാടും കണ്ടതോടെ പൊലീസിന്റെ സംശയം ബലപ്പെട്ടു. വീടിനു സമീപം ഇവരുടെ വാഴത്തോട്ടത്തില് കാക്കകള് വട്ടമിട്ടു പറക്കുന്നതു ശ്രദ്ധയില്പ്പെട്ട് പരിശോധിച്ചപ്പോഴാണ് ജിത്തുവിന്റെ കത്തികരിഞ്ഞ മൃതദേഹം കണ്ടത്.
പ്രതികരിക്കാൻ ഇവിടെ എഴുതുക