പീഡനങ്ങളുടെ എണ്ണം വര്ധിക്കുവാന് കാരണം പോര്ണോ ഗ്രാഫി ആസ്വദിക്കുന്നവരുടെ എണ്ണം കൂടിയതു കൊണ്ടാണെന്ന് മദ്ധ്യപ്രദേശ് ആഭ്യന്തരമന്ത്രി ഭൂപേന്ദ്രസിംഗ്. അതിനാല് തന്നെ 25ലധികം പോണ് സൈറ്റുകള് സംസ്ഥാനത്ത് നിരോധിച്ച അദ്ദേഹം കൂടുതല് പോണ് സൈറ്റുകള് നിരോധിക്കാന് ആവശ്യപ്പെട്ട് കേന്ദ്രത്തിന് കത്തയച്ചു.
മദ്ധ്യപ്രദേശ് ഇതിനോടകം 25 സൈറ്റുകള് നിരോധിച്ചിട്ടുണ്ട്. എന്നാല് ഇത്തരം സൈറ്റുകളെ നേരിട്ട് നിയന്ത്രിക്കാന് കഴിയാത്തതിനാല് കേന്ദ്ര സര്ക്കാരിനാണ് ഇത്തരം സൈറ്റുകളെ നിരോധിക്കേണ്ട ബാദ്ധ്യതയെന്നും മന്ത്രി പറഞ്ഞു. ആണ്കുട്ടികള്ക്കും പെണ്കുട്ടികള്ക്കും പോര്ണോഗ്രാഫി സംബന്ധിക്കുന്ന കാര്യങ്ങള് ഇത്തരം സൈറ്റുകളിലൂടെ എളുപ്പം കിട്ടുമെന്നും അത് കുട്ടികളെ കാര്യമായി സ്വാധീനിക്കുമെന്നും ഭൂപേന്ദ്ര സിംഗ് പറഞ്ഞു.
കൂടാതെ പ്രായപൂര്ത്തിയാകാത്തവരെ ബലാത്സംഗം ചെയ്യുന്നവര്ക്ക് വധശിക്ഷ നല്കാനുള്ള ബിജെപി സര്ക്കാരിന്റെ നീക്കത്തെയും ഭൂപേന്ദ്രസിംഗ് പ്രശംസിച്ചു.
പ്രതികരിക്കാൻ ഇവിടെ എഴുതുക