നല്ല സാമ്പത്തിക നേട്ടം കൈവരിക്കാൻ കദളി വാഴ കൃഷിയിലൂടെ സാധിക്കും. ഇതര വാഴയിനങ്ങള്ക്കില്ലാത്ത ചില സ്വഭാവ സവിശേഷതകള് കദളി വാഴയ്ക്കുണ്ട്. ഇതിന്റെ പഴത്തിന് വളരെ ആസ്വാദ്യകരമായ ഗന്ധവും രുചിയും ഉണ്ട്. ഏതിനം വാഴക്കുലയാണെങ്കിലും വില്പ്പനയ്ക്ക് ബുദ്ധിമുട്ട് അനുഭവപ്പെടുന്നവര്ക്ക് വാഴപ്പഴം ഉണക്കിയെടുക്കാം.
സമയവും സൗകര്യവുമുള്ളവര്ക്ക് ഇതൊരു മുഴുവന് സമയ സംഭരവും ആക്കാവുന്നതാണ്. ഉണങ്ങിയ വാഴപ്പഴങ്ങളില് ഏറ്റവും രുചികരമായിട്ടുള്ളത് കദളിപ്പഴമാണ്.
ഉണക്കാൻ വേണ്ടി നന്നായി പഴുത്ത വാഴപ്പഴം തൊലികളഞ്ഞ് നടുവേ കീറി സ്റ്റീല് ട്രേകള് ലഭ്യമാണങ്കില് ട്രേകളില് നിരത്തി വെയിലത്തു വയ്ക്കണം. ദിവസവും തിരിച്ചും മറിച്ചും വെക്കണമെന്നുമാത്രം. സ്റ്റീല് ട്രേകള് ലഭ്യമല്ലെങ്കില് നല്ലതുപോലെ കഴുകി ഉണക്കിയവെള്ളത്തുണി യോ തോര്ത്തുമുണ്ടോ ഓടിന്റെ മുകളിലോ വാര്ക്കപ്പുറത്തോ വെയില് കിട്ടുന്ന ഭാഗത്ത് വിരിച്ചു വച്ച് അവയില് നിരത്തിയും ഉണക്കിയെടുക്കാം. പഴം നാലായി ഘനം കുറച്ച് കീറിയെടുക്കേണ്ടിവരും.
നന്നായി ഉണങ്ങിയ വാഴപ്പഴം കാറ്റു കയറാത്ത വിധത്തില് ടിന്നിലാക്കി അടച്ചു സൂക്ഷിക്കുകയോ അതുമല്ലങ്കില് ചില്ലുഭരണിയിലാക്കി മുകളില് തേനോ ശര്ക്കര പാനിയോ ഒഴിച്ച് സൂക്ഷിച്ചു വയ്ക്കാവുന്നതാണ്.
കൃഷിരീതികള്
കദളി വാഴകൃഷിയിൽ ചപ്പുചവറുകളും ചാണകപ്പൊടിയും മറ്റിതര ജൈവവളങ്ങളും ആവശ്യാനുസരണം ചേര്ത്തു കൊടുക്കാം. രാസവളങ്ങള് അത്യാവശ്യഘടകമല്ല. ആവശ്യമെന്ന് തോന്നുന്നപക്ഷം ഒന്നോ രണ്ടോ തവണ വളരെ നേരിയ തോതില് മാത്രം ചേര്ക്കുക.
Also Read: അടുക്കളത്തോളം വളര്ത്തിയാലുള്ള ഗുണങ്ങൾ ഇവയൊക്കെയാണ്
പ്രതികരിക്കാൻ ഇവിടെ എഴുതുക