നമ്മുടെ വീട്ടിലെയൊക്കെ അടുക്കളത്തോട്ടത്തിലെ ഒഴിവാക്കാനാവാത്ത ഒന്നായിരിക്കും കറിവേപ്പില. ഏത് കറിയാണെങ്കിലും അതിലല്പം കറിവേപ്പില താളിയ്ക്കുന്നത് നമ്മുടെ ശീലങ്ങളില് ഒന്നാണ്. എന്നാല് കറിവേപ്പ് വെയ്ക്കുന്നവര്ക്ക് പലപ്പോഴും തലവേദന ഉണ്ടാക്കുന്ന ഒരു പ്രശ്നമാണ് കീടങ്ങളുടെ ആക്രമണം. ഇല മുറിഞ്ഞ് പോവുക, ഇലകളില് നിറം മാറ്റം സംഭവിയ്ക്കുക, പുതിയ മുള പൊട്ടാതിരിയ്ക്കുക എന്നിവയെല്ലാം കറിവേപ്പിന്റെ വളര്ച്ചയെ പ്രതികൂലമായി ബാധിയ്ക്കുന്ന ഒന്നാണ്. ഇത്തരത്തിലുള്ള എല്ലാ പ്രശ്നങ്ങളേയും ഇല്ലാതാക്കാന് സഹായിക്കുന്ന ചില മാര്ഗ്ഗങ്ങളുണ്ട്.എന്തൊക്കെയാണെന്ന് നോക്കാം.
പുളിച്ച കഞ്ഞിവെള്ളത്തില് ഇരട്ടി വെള്ളം ചേര്ത്ത് കരിവേപ്പിനു മുകളില് തളിയ്ക്കുന്നത് കീടങ്ങളുടെ ആക്രമണത്തില് നിന്ന് കറിവേപ്പിനെ സംരക്ഷിക്കുന്നു.പുതിയ തളിരിലകള് ഉണ്ടാവാനും കഞ്ഞിവെള്ളം തന്നെ മുന്നില്. കറിവേപ്പിനു ചുവട്ടില് കഞ്ഞിവെള്ളം ഒഴിയ്ക്കുന്നത് തളിരിലകള് കറിവേപ്പില് ഉണ്ടാവാന് സഹായിക്കുന്നു. മാത്രമല്ല കഞ്ഞിവെള്ളത്തിന്റെ മണം കീടങ്ങളെ അകറ്റുകയും ചെയ്യുന്നു.
അതുപോലെ ഒരിക്കലും കറിവേപ്പിനു താഴെ വെള്ളം കെട്ടിക്കിടക്കാന് സമ്മതിയ്ക്കരുത്. ഈര്പ്പം അത്യാവശ്യമാണെങ്കിലും വെള്ളം കെട്ടിക്കിടക്കുന്നത് വേര് അഴുകാന് കാരണമാകുന്നു.
Also Read: തക്കാളി കൃഷി വിജയമാക്കാൻ ഇങ്ങനെ ശ്രമിച്ച് നോക്കൂ..
ഇലകളിലുണ്ടാകുന്ന കുത്തുകളും നിറം മാറ്റവും ഇല്ലാതാക്കുന്നതിനും നല്ല ആരോഗ്യമുള്ള ഇലകള് ലഭിയ്ക്കുന്നതിനും ചാരം വിതറുന്നത് നല്ലതാണ്. ഇത് ഇലകളിലും ചെടിയുടെ ചുവട്ടിലും വിതറാവുന്നതാണ്.
കൂടാതെ കറിവേപ്പ് എങ്ങനെ പറിച്ചെടുക്കണമെന്ന് പലര്ക്കും അറിയില്ല. ഇത് വളര്ച്ചയെ മുരടിപ്പിക്കുന്നു. കറിവേപ്പിന്റെ ഇല മാത്രമായി പറിച്ചെടുക്കാതെ തണ്ടോടു കൂടിയായിരിക്കണം പറിച്ചെടുക്കേണ്ടത്. ഇത് പുതിയ ശിഖരങ്ങള് പറിച്ചെടുത്ത ഭാഗത്ത് ഉണ്ടാവാന് കാരണമാകുന്നു.
കറിവേപ്പിന്റെ വളര്ച്ചയ്ക്ക് പച്ചച്ചാണകവും കടലപ്പിണ്ണാക്കും മിക്സ് ചെയ്ത് വേരിനു ചുറ്റും ഒഴിച്ച് കൊടുക്കാം. ഇത് ഇല വളരാനും ഈര്പ്പത്തിനും കാരണമാകുന്നു.
Also Read: കദളിവാഴ കൃഷിയിലൂടെ സാമ്പത്തിക നേട്ടം കൈവരിക്കാം; അറിയേണ്ട കാര്യങ്ങൾ
പ്രതികരിക്കാൻ ഇവിടെ എഴുതുക