കോട്ടയം: കനത്ത മഴ തുടരുന്ന സാഹചര്യത്തിൽ കോട്ടയത്തും ആലപ്പുഴയിലും നാളെ സ്കൂള് അവധി. കോട്ടയം ജില്ലയിൽ കോട്ടയം വൈക്കം താലൂക്കുകളിലെയും ചങ്ങനാശേരി നഗരസഭ, കുറിച്ചി, മാടപ്പള്ളി, പായിപ്പാട്, തൃക്കൊടിത്താനം, വാഴപ്പള്ളി പഞ്ചായത്തുകളിലെയും മീനച്ചില് താലൂക്കിലെ മുത്തോലി, കിടങ്ങൂര് പഞ്ചായത്തുകളിലെയും പ്രൊഫഷണല് കോളജുകള് അടക്കമുള്ള എല്ലാ വിദ്യാഭ്യാസ സ്ഥാപനങ്ങള്ക്കും അംഗനവാടികള്ക്കും ജില്ലാ കലക്ടര് അവധി പ്രഖ്യാപിച്ചു.
കൂടാതെ ആലപ്പുഴ ജില്ലയിലെ കുട്ടനാട്, ചെങ്ങന്നൂര് താലൂക്കുകളിലെ പ്രഫഷണല് കോളജുകള് ഉള്പ്പെടെയും മറ്റു താലൂക്കുകളില് പ്രഫഷണല് കോളജുകള് ഒഴികെയും കലക്ടര് അവധി പ്രഖ്യാപിച്ചു.
മഴ കുറവായിരുന്നെങ്കിലും പല പ്രദേശങ്ങളിലും വെള്ളക്കെട്ട് കുറയാത്തതിനാലാണ് അവധി പ്രഖ്യാപിച്ചത്.
എം.ജി സര്വകലാശാല 19, 20 തീയതികളില് നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റിവെച്ചു. പുതുക്കിയ തീയതി പിന്നീട് അറിയിക്കുമെന്ന് സര്വ്വകലാശാല വ്യക്തമാക്കിയിട്ടുണ്ട്.
കനത്ത മഴയെത്തുടര്ന്ന് കഴിഞ്ഞ ദിവസങ്ങളിലും എംജി പരീക്ഷകള് മാറ്റിവെച്ചിരുന്നു.
പ്രതികരിക്കാൻ ഇവിടെ എഴുതുക