ഇന്നലെ സമാധാനപരമായി നടന്ന സംയുക്ത തൊഴിലാളി യൂണിയനുകള് ആഹ്വാനം ചെയ്ത ദ്വിദിന പണിമുടക്ക് ഇന്ന് അക്രമണത്തിന് വഴിമാറി. സെക്രട്ടറിയേറ്റിന്റെ മുന്നിലുള്ള എസ്ബിഐയുടെ ബ്രാഞ്ച് സമരാനുകൂലികൾ തല്ലിത്തകർത്തു. ഇന്ന് രാവിലെയാണ് ആക്രമണം നടന്നത്. സെക്രട്ടറിയേറ്റിന് സമീപത്തുള്ള ബ്രാഞ്ചിലേക്ക് സമര അനുകൂലികള് കയറുകയും അടക്കാന് നിര്ദ്ദേശിക്കുകയുമായിരുന്നു. എന്നാല് കൂട്ടാക്കാത്തതിനെ തുടര്ന്ന് മാനേജറുടെ മുറി ആക്രമിച്ചു. ചില്ലുകള് തല്ലിത്തകര്ത്തും, കംപ്യൂട്ടറുകളും ഫോണും ക്യാബിനും അടിച്ചു തകര്ക്കുകയുമായിരുന്നു. സമരക്കാരെ ഉടന് അറസ്റ്റു ചെയ്യുമെന്നാണ് സൂചന.
അതേസമയം ഇന്നും സമരം ശക്തമായി തുടരുകയാണ്. പണിമുടക്കിന്റെ ഭാഗമായി തൊഴിലാളികള് തിരുവനന്തപുരം, എറണാകുളം, കണ്ണൂര് എന്നിവിടങ്ങളില് ട്രെയിനുകള് തടഞ്ഞു. സമരക്കാരെ പൊലീസ് അറസ്റ്റ് ചെയ്ത് നീക്കി.
പ്രതികരിക്കാൻ ഇവിടെ എഴുതുക