നിരവധി സീരിയലുകളിലൂടെയും സിനിമകളിലൂടെയും മലയാളികൾക്ക് ഏറെ പരിചിതയായ നടിയാണ് ചാള മേരി എന്നറിയപ്പെടുന്ന മോളി ജോസഫ്. ഇപ്പോഴിതാ സ്വന്തം മകന് കയറിക്കിടക്കാൻ ഒരു വീടുപോലുമില്ലെന്ന പരാതിയുമായി പോലീസ് സ്റ്റേഷൻ കയറിയിറങ്ങുകയാണ് മേരി ഇപ്പോൾ. കൊച്ചിസിറ്റി പൊലീസിന് മുന്പാകെയാണ് മോളിയും മകന് ജോളിയും പരാതി നല്കിയിരിക്കുന്നത്.
മകന് ജോളിക്ക് വിവാഹ ശേഷം സ്ത്രീധനമായി മൂന്ന് സെന്റ് സ്ഥലം ഭാര്യാ വീട്ടുകാര് നല്കിയിരുന്നു. എന്നാല് വീടു വയ്ക്കാന് ഇപ്പോള് ഭാര്യയുടെ അമ്മ അനുവദിക്കുന്നില്ല എന്നാണ് ഇവരുടെ പരാതി.
പരാതിയെ പറ്റി മോളി പറയുന്നത് ഇങ്ങനെ: ‘എനിക്ക് നീതി കിട്ടണം. എന്റെ മകനു കിടക്കാന് വീട് വെയ്ക്കണം. മകന് മൂന്ന് സെന്റ് സ്ഥലമാണ് സ്ത്രീധനമായി ലഭിച്ചത്. സ്ഥലത്തിന് പട്ടയംതരാം എന്നു പറയുന്നതല്ലാതെ തരുന്നില്ല. മുദ്രപേപ്പറില് എഴുതി നല്കിയതാണ്. കഴിഞ്ഞ എട്ടു കൊല്ലമായി അവര് അവിടെ ഷെഡ് കെട്ടിയാണ് താമസം. ആ ഷെഡ് വെള്ളം കയറി നശിച്ചുപോയി. അത് പൊളിച്ച് ശേഷം തറവാട്ടു വീടായ എന്റെ വീട്ടിലാണ് അവര് വന്നു താമസിക്കുന്നത്. ഇപ്പോള് അവര്ക്ക് ഒരു വീടു വച്ചു കൊടുക്കാമെന്നു കരുതി. എന്നാല് മകന്റെ ഭാര്യയുടെ അമ്മ സമ്മതിക്കുന്നില്ല. അവര് തങ്ങള്ക്കെതിരെ എല്ലായിടത്തും കള്ളക്കേസ് കൊടുക്കുകയാണ്.
പ്രതികരിക്കാൻ ഇവിടെ എഴുതുക