ടിക് ടോക് നിരോധിക്കണമെന്ന് ആവശ്യപ്പെട്ടുള്ള മദ്രാസ് ഹൈക്കോടതിയുടെ ഇടക്കാല ഉത്തരവില് അടിയന്തിര വാദം കേള്ക്കേണ്ടെന്ന് സുപ്രീം കോടതി. കഴിഞ്ഞ ആഴ്ചയാണ് ടിക് ടോക് നിരോധിക്കണമെന്ന് കേന്ദ്രത്തോട് മദ്രാസ് ഹൈക്കോടതി ആവശ്യപ്പെട്ടത്.
ടിക് ടോക്ക് പോണോഗ്രാഫിയെ പ്രോത്സാഹിപ്പിക്കുന്ന ആപ്പാണ് എന്നാണ് മദ്രാസ് ഹൈക്കോടതി ഇതിന് കാരണമായി പറയുന്നത്. മുതിര്ന്ന അഭിഭാഷകന് അഭിഷേക് മനു സിങ്വിയുടെ ആവശ്യം തള്ളിയ സുപ്രീം കോടതി കേസ് പിന്നീട് പരിഗണിക്കാമെന്ന് അറിയിച്ചു.
ടിക് ടോക്ക് വീഡിയോകള് മാധ്യമങ്ങള് പ്രക്ഷേപണം ചെയ്യുന്നത് നിര്ത്തണമെന്നും ഈ ഉത്തരവില് പറയുന്നു. ഉപയോക്താവിന് ചെറിയ വീഡിയോകള് പങ്കുവയ്ക്കാന് സാധിക്കുന്ന ആപ്പായ ടിക് ടോക്കിന് ഇന്ത്യയില് 54 ദശലക്ഷം സജീവ അംഗങ്ങള് ഉണ്ടെന്നാണ് കണക്ക്.
പ്രതികരിക്കാൻ ഇവിടെ എഴുതുക