ഭോപ്പാല്: കൃത്രിമ പാൽ നിർമിച്ച് വിതരണം ചെയ്യുന്ന മൂന്ന് ഉത്പാദന കേന്ദ്രങ്ങള് റെയ്ഡില് കണ്ടെത്തി. മധ്യപ്രദേശിലാണ് റെയ്ഡില് കൃത്രിമ പാല് ഉത്പാദന യൂണിറ്റ് കണ്ടെത്തിയത്. ഇവിടെ വ്യാജമായി നിര്മിക്കുന്ന പാല് മധ്യപ്രദേശ്, ഉത്തര് പ്രദേശ്, രാജസ്ഥാന്, ഡല്ഹി, ഹരിയാന, മഹാരാഷ്ട്ര തുടങ്ങിയ സംസ്ഥാനങ്ങളില് ആണ് വിതരണം ചെയ്തിരുന്നത്. ഇതുമായി ബന്ധപ്പെട്ട് 57 പേരെ പോലീസ് അറസ്റ്റ് ചെയ്തു.
30 ശതമാനം യഥാര്ഥ പാലും ബാക്കി മറ്റ് വസ്തുക്കളും ചേര്ത്താണ് പാല് നിര്മ്മാണം നടത്തിയത്.പാലിനോടൊപ്പം ഷാംപു, വെള്ള പെയ്ന്റ്, ഗ്ലൂക്കോസ് പൗഡര് എന്നിവ യോജിപ്പിച്ചാണ് കൃത്രിമ പാല് ഉത്പാദിപ്പിച്ചിരുന്നത്.
മൊറേന ജില്ലയിലെ അംബയിലും ബിന്ത് ജില്ലയിലെ ലാഹറിലുംഗ്വാളിയറിലും പ്രവര്ത്തിക്കുന്ന ഫാക്ടറികളിലാണ് പോലീസ് റെയ്ഡ് നടത്തിയത്. പ്രത്യേകം രൂപീകരിച്ച പോലീസ് സംഘമാണ് റെയ്ഡിന് നേതൃത്വം നല്കിയത്.
20 ടാങ്കര് ലോറികളിലും 11 പിക്കപ്പ് വാനുകളിലുമായി നിറച്ച കൃത്രിമ പാലും ഇവിടെ നിന്ന് പിടികൂടിയിട്ടുണ്ട്. ഷാംപുവിന്റെയും ശുദ്ധീകരിച്ച എണ്ണയുടെയും ഗ്ലൂക്കോസ് പൊടിയുടെയും വലിയ ശേഖരവും ഇവിടെ നിന്ന് പിടികൂടിയതായി റെയ്ഡിന് നേതൃത്വം നല്കിയ എസ്.പി രാജേഷ് ബഡോറിയ വ്യക്തമാക്കി. 10,000 ലിറ്റര് കൃത്രിമ പാലും 500 കിലോ കൃത്രിമവെണ്ണയും 200 കിലോ കൃത്രിമ പനീറും റെയ്ഡില് കണ്ടെടുത്തിട്ടുണ്ട്.
30 ശതമാനം യഥാര്ഥ പാലും ബാക്കി മറ്റ് വസ്തുക്കളും ചേര്ത്താണ് പാല് നിര്മ്മാണം നടത്തിയത്.പാലിനോടൊപ്പം ഷാംപു, വെള്ള പെയ്ന്റ്, ഗ്ലൂക്കോസ് പൗഡര് എന്നിവ യോജിപ്പിച്ചാണ് കൃത്രിമ പാല് ഉത്പാദിപ്പിച്ചിരുന്നത്. തുടർന്ൻ ഫാക്ടറികള് പോലീസ് അടച്ചുപൂട്ടി.
പ്രതികരിക്കാൻ ഇവിടെ എഴുതുക