കണ്ണൂർ: സംസ്ഥാനത്ത് മഴ കനത്തതോടെ സംസ്ഥാനത്തെ ആറ് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു.
കണ്ണൂര്, കോഴിക്കോട്, മലപ്പുറം, ഇടുക്കി, വയനാട്, കാസര്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചത്. കൂടാതെ അട്ടപ്പാടിയിലെ അഗളി, ഷോളയൂര്, പുത്തൂര് പഞ്ചായത്തുകള്ക്കും അവധിയാണ്.
പ്രൊഫഷണല് കൊളേജ് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്ക് അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്ക് മാറ്റമില്ല.
കാറ്റും മഴയും ശക്തമായതിനാല് റെഡ് അലേര്ട്ട് പ്രഖ്യാപിച്ച സാഹചര്യത്തിൽ ജില്ലാ കളക്ടര്മാരാണ് ജില്ലകള്ക്ക് അവധി പ്രഖ്യാപിച്ചത്.
പ്രതികരിക്കാൻ ഇവിടെ എഴുതുക