ശരീരത്തിന് എത്രമാത്രം ഉറക്കം വേണമെന്ന് സ്വയം തിരിച്ചറിയൂ
എല്ലാവർക്കും ഒരുപോലെയല്ല ഉറക്കം വേണ്ടത്. ചിലർക്ക് 7 മണിക്കൂർ ഉറങ്ങിയാൽ മതി, ചിലർക്ക് 9 മണിക്കൂർ വേണം. സ്വന്തം ശരീരത്തിൻറെ താളം തിരിച്ചറിഞ്ഞ് എത്രയുറക്കം വേണമെന്ന് ആദ്യം മനസിലാക്കൂ.
ഉറങ്ങാൻ ഒരു തയാറെടുപ്പ് നടത്തൂ
ഉറങ്ങുന്നതിന് ഒരു മണിക്കൂർ മുൻപ് ഉറക്കത്തിലേക്കുള്ള കാര്യങ്ങൾ ചെയ്ത് ; തുടങ്ങണം. അനാവശ്യ ലൈറ്റുകൾ ; ഒഴിവാക്കുക, ഇലക്ട്രോണിക് ഉപകരണങ്ങൾ ഓഫ് ചെയ്യുക, ചൂടുവെള്ളത്തിൽ കുളിക്കുക, വായിക്കുക, ധ്യാനിക്കുക എന്നിങ്ങനെ വിവിധ കാര്യങ്ങളിൽ മുഴുകാം.
വെളിച്ചത്തിലേക്ക് ഉണരൂ
ഉണരൂമ്പോൾ മടുപ്പ് തോന്നുന്നുവെങ്കിൽ പതിയെ വെളിച്ചത്തിൽ ശ്രദ്ധിക്കുക. മുറിയിലേക്ക് വെളിച്ചം കടക്കാൻ കർട്ടനുകളും മറ്റും അതിനനുസരിച്ച് സജ്ജീകരിക്കുക.
നിങ്ങളെ സന്തോഷിപ്പിക്കുന്ന ഒരു കാര്യം
എഴുന്നേൽക്കുമ്പോഴേ ഓഫീസിലെ ഫയലുകളും കുടുംബത്തിലെ തിരക്കുകളിലേക്കും തിരിയേണ്ട. മറിച്ച് നിങ്ങളെ സന്തോഷിപ്പിക്കുന്ന ഒരു കാര്യം ചെയ്യൂ. മെഡിറ്റേഷനോ, ഒരു കപ്പ് കാപ്പിയോ, ഇഷ്ടപ്പെട്ട ചെടിയോ അങ്ങനെ എന്തുമാകാം.
ഒരു സമയം നിങ്ങളുടെ സ്വന്തമാക്കൂ
എഴുന്നേല്ക്കാന് ഒരു നേരം കൃത്യമായി സെറ്റ് ചെയ്യുക. ആദ്യം ഇത് ബുദ്ധിമുട്ടാണെങ്കിലും ശീലമാക്കുക. ആ സമയത്ത് ഉണരാന് കഴിഞ്ഞാൽ നിങ്ങൾ വിജയിച്ചു.
ഉണരുന്നത് പാട്ടുകേട്ടായാലോ
നിങ്ങൾക്ക് ഇഷ്ടമുള്ള പാട്ടോ ഈണമോ കേട്ടുകൊണ്ട് പ്രഭാതത്തെ വരവേല്ക്കാൻ ശ്രമിക്കുക. പോസിറ്റീവ് എനർജി നല്കാൻ ഇത് സഹായിക്കും.
മെഡിറ്റേഷന് നല്ലതാണ്
മെഡിറ്റേഷൻ ഏകാഗ്രതക്ക് നല്ലതാണ്. നിങ്ങളിൽ കൂടുതൽ സന്തോഷം അത് നിറയ്ക്കും. പത്ത് മിനിറ്റുകൊണ്ട് ചെയ്യാവുന്ന മെഡിറ്റേഷന് മാര്ഗഗങ്ങളുമുണ്ട്. ഒന്ന് ശീലിക്കുക, മനസമാധാനം പിന്നാലെയെത്തും.
പ്രതികരിക്കാൻ ഇവിടെ എഴുതുക