കണ്ണൂര്: ദുബൈയില് നിന്നെത്തിയ മലയാളിക്ക് കണ്ണൂരില് കൊവിഡ് 19 രോഗം സ്ഥിരീകരിച്ച സാഹചര്യത്തില്, ഇദ്ദേഹത്തോടൊപ്പം ദുബൈയില് താമസിക്കുന്ന ഏഴ് പേര് ഇന്ന് നാട്ടിലെത്തും. ഇവര് കരിപ്പൂര് വിമാനത്താവളത്തിലെത്തും. ഇവിടെ നിന്നും ആംബുലന്സില് കണ്ണൂര് ജില്ലാ ആശുപത്രിയിലേക്ക് കൊണ്ടുപോകും.
ഇവര്ക്കൊപ്പമുള്ള അഞ്ച് പേര് നേരത്തെ നാട്ടിലെത്തിയിരുന്നു. ഇവര് ചികിത്സയിലാണ്. കൊവിഡ് 19 മുന്കരുതല് നടപടികളുടെ ഭാഗമായി കരിപ്പൂര് വിമാനത്താവളത്തില് സന്ദര്ശകര്ക്ക് കര്ശന നിയന്ത്രണം ഏര്പെടുത്തിയിട്ടുണ്ട്. മലപ്പുറം ജില്ലാ കലക്ടര് ജാഫര് മാലികാണ് ഇക്കാര്യം അറിയിച്ചത്. യാത്രക്കാര്ക്കും വാഹന ഡ്രൈവര്മാര്ക്കും മാത്രമാണ് വിമാനത്താവളത്തിലേക്ക് പ്രവേശിക്കാന് അനുമതി. സ്വീകരിക്കാനോ യാത്രയാക്കാനോ കൂടുതല് പേര്ക്ക് വിമാനത്താവളത്തിനകത്തേക്കു പ്രവേശിക്കാനാവില്ല.
പ്രതികരിക്കാൻ ഇവിടെ എഴുതുക