പത്തനംതിട്ട: തണ്ണിത്തോട് കോവിഡ് 19 നിരീക്ഷണത്തിലിരുന്ന പെണ്കുട്ടി വീടിന് മുറ്റത്തിരുന്ന് സമരം ചെയ്ത സംഭവത്തില് കേസെടുത്തു. നിരീക്ഷണ മാര്ഗനിര്ദേശങ്ങള് ലംഘിച്ചുവെന്ന ആരോഗ്യവകുപ്പിന്റെ റിപ്പോര്ട്ട് അടിസ്ഥാനപ്പെടുത്തിയാണ് കേസ്. സിപിഎം പ്രവര്ത്തകര് പെണ്കുട്ടിയുടെ വീടിന് നേരെ കല്ലെറിഞ്ഞത് വിവാദമായിരുന്നു. പകര്ച്ചവ്യാധി നിയമപ്രകാരമാണ് പെണ്കുട്ടിക്കെതിരെ കേസെടുത്തിരിക്കുന്നത്. നിരീക്ഷണത്തില് ഉള്ള ആള് വീട്ടില് ഒരു മുറിയില് തന്നെ താമസിക്കണം. വീട്ടിലെ കുടുംബാംഗങ്ങളടക്കം ആരുമായും അടുത്തിടപഴകാന് പാടില്ലെന്ന മാര്ഗ നിര്ദേശമാണ് പെണ്കുട്ടി തെറ്റിച്ചിരിക്കുന്നതെന്ന് പോലീസിന് നല്കിയ ഹെല്ത്ത് ഇന്സ്പെക്ടറുടെ റിപ്പോര്ട്ടില് പറയുന്നു. കഴിഞ്ഞയാഴ്ചയാണ് പെണ്കുട്ടിയുടെ വീടിന് നേരെ കല്ലേറുണ്ടായത്. കോയമ്ബത്തൂരില് നിന്നെത്തിയ പെണ്കുട്ടി കൊവിഡ് നിരീക്ഷണത്തിലായിരുന്നു. പെണ്കുട്ടി എത്തിയതിനു പിന്നാലെ, പിതാവ് പുറത്തിറങ്ങി നടക്കുന്നെന്ന തരത്തിലുള്ള പ്രചാരണം വാട്സാപ്പ് ഗ്രൂപ്പുകളില് ഉണ്ടായി. ഇതോടെയാണ് വീട്ടുകാര് മുഖ്യമന്ത്രിക്ക് പരാതി നല്കിയത്. തുടര്ന്നാണ് വീട് ആക്രകമിക്കപ്പെട്ടത്.
പ്രതികരിക്കാൻ ഇവിടെ എഴുതുക