കേരളത്തിലെ സ്വര്ണക്കടത്തിന് പിന്നിലെ തീവ്രവാദബന്ധത്തെ കുറിച്ച് എന്ഐഎയ്ക്കു പുറമേ പൊലീസും പരിശോധിക്കുന്നു. തീവ്രവാദവിരുദ്ധ സ്ക്വാഡിനാണ് അന്വേഷണ ചുമതല. സ്വര്ണക്കടത്തിന് പിന്നില് ഹവാല സംഘമെന്നുമുള്ള ഇന്റലിജന്സ് റിപ്പോര്ട്ടിന്റെ അടിസ്ഥാനത്തിലാണ് നടപടി.
രാജ്യസുരക്ഷയ്ക്ക് ഭീഷണിയാകുന്ന തരത്തില് സമാന്തര സാമ്പത്തിക ശക്തിയായി സ്വര്ണക്കടത്ത് മാഫിയ വളര്ന്നു. ഗള്ഫ് രാജ്യങ്ങള് കേന്ദ്രീകരിച്ചുള്ള ഹവാലാ സംഘങ്ങളാണ് ഇതിന് പിന്നില്. കോഴിക്കോട്ടെ കൊടുവള്ളി ഇതിന്റെ ഹബായി മാറി.
ഐടി ഫെലോ ഐഎഎസിനു തുല്യമായ സ്ഥാനം; അരുൺ ബാലചന്ദ്രൻ
പിടിക്കപ്പെടാതിരിക്കാന് സ്ത്രീകളെ ഉള്പ്പെടെ ഇവര് ഉപയോഗിക്കുന്നൂവെന്നതായിരുന്നു റിപ്പോര്ട്ടിലെ കണ്ടെത്തല്. ഈ റിപ്പോര്ട്ടിന്റെയും എന്ഐഎയുടെ എഫ്ഐആറിന്റെയും അടിസ്ഥാനത്തിലാണ് പൊലീസിന്റെ അന്വേഷണം.
എന്ഐഎയുടെ എഫ്ഐആറില് പറയുന്നത് കേരളത്തിലെ സ്വര്ണക്കടത്തിന്റെ പിന്നില് തീവ്രവാദ സംഘടനകളെന്നാണ്. സ്വര്ണക്കടത്തിലൂടെയുള്ള സാമ്പത്തിക ലാഭം തീവ്രവാദത്തിന് ഉപയോഗിക്കുന്നതായും പറയുന്നു.
പ്രതികരിക്കാൻ ഇവിടെ എഴുതുക