സ്വര്ണക്കടത്ത് കേസില് എം. ശിവങ്കരന്റെ ചോദ്യം ചെയ്യല് പൂര്ത്തിയായി. 5 മണിക്കൂര് നീണ്ട ചോദ്യം ചെയ്യലാണ് അവസാനിച്ചത്. തിരുവനന്തപുരം പൊലീസ് ക്ലബ്ബിലേക്ക് വിളിച്ച് വരുത്തിയാണ് എന്.ഐ.എ ചോദ്യം ചെയ്തത്.
അതേസമയം സ്വര്ണക്കടത്ത് കേസില് പ്രതികളുടെ അറസ്റ്റ് എന്ഫോഴ്സ്മെന്റ് ഡയറക്ടറേറ്റ് രേഖപ്പെടുത്തി. പ്രതികളായ സ്വപ്ന , സന്ദീപ്, സരിത്ത് എന്നിവരുടെ അറസ്റ്റാണ് രേഖപ്പെടുത്തിയത്. നാളെയാണ് സ്വപ്നയുടെയും സന്ദീപിന്റെയും കസ്റ്റഡി കാലാവധി അവസാനിക്കുന്നത്.സ്വപ്നയെയും സന്ദീപിനെയും വെള്ളിയാഴ്ച വരെയാണ് എന്.ഐ.എ കസ്റ്റഡിയില് വിട്ടത്.ഇരുവരെയും ഒരുമിച്ച് ചോദ്യം ചെയ്യണമെന്നായിരുന്നു എന്.ഐ.എ ആവശ്യപ്പെട്ടിരുന്നത്. അതേസമയം പ്രതികള് നല്കിയ ജാമ്യഹരജി വെള്ളിയാഴ്ച കോടതി പരിഗണിക്കും.
സ്വര്ണക്കടത്ത് കേസില് അന്വേഷണം സെക്രട്ടേറിയറ്റിലേക്കും നീങ്ങുന്നതിനിടെയാണ് ചോദ്യം ചെയ്യല്. എം.ശിവശങ്കറിനെ ചോദ്യം ചെയ്യാന് വിളിച്ചതിനു പിന്നാലെ സെക്രട്ടേറിയറ്റിലെ സിസിടിവി ദൃശ്യങ്ങള് ആവശ്യപ്പെട്ട് എന്ഐഎ ചീഫ് സെക്രട്ടറിക്ക് കത്തുനല്കി. എം. ശിവശങ്കറിന്റെ ഓഫിസിലേതടക്കമുള്ള ദൃശ്യങ്ങളാണ് ആവശ്യപ്പെട്ടിരിക്കുന്നത്.
സ്വര്ണക്കടത്തുകേസില് പ്രതിയായ സ്വപ്ന സുരേഷും സരിത്തും എം.ശിവശങ്കറിന്റേയും മന്ത്രിമാരുടേയും ഓഫിസുകള് പലവട്ടം സന്ദര്ശിച്ചിട്ടുണ്ടെന്ന് അന്വേഷണത്തില് ബോധ്യപ്പെട്ടിരുന്നു. മുഖ്യമന്ത്രിയുെട ഓഫിസ് സ്ഥിതി ചെയ്യുന്ന നോര്ത്ത് ബ്ലോക്കില്ത്തന്നെയാണ് എം.ശിവശങ്കറിന്റെ ഓഫിസ്.
ഇവിടെയും പ്രതികള് എത്തിയെന്ന് കരുതുന്ന മറ്റ് ഓഫിസുകളിലേയും സിസിടിവി ദൃശ്യങ്ങള് ശേഖരിക്കാനാണ് എന്ഐഎയുടെ ശ്രമം. ഇതിനായി ഉച്ചയോടെ ചീഫ് സെക്രട്ടറിക്ക് അപേക്ഷ നല്കി. കത്തിന്റെ പകര്പ്പ് മുഖ്യമന്ത്രിയുടെ ഓഫിസിനും കൈമാറി. രണ്ടുമാസത്തെ സിസിടിവി ദൃശ്യങ്ങളാണ് എന്ഐഎ ആവശ്യപ്പെടുന്നത്.
പ്രതികരിക്കാൻ ഇവിടെ എഴുതുക