ഐസ്ക്രീമില് എലിവിഷം കലര്ത്തി സഹോദരിയെ കൊന്ന കേസില് പ്രതി ആല്ബിന് ബെന്നിയെ ഇന്ന് കോടതിയില് ഹാജരാക്കും.സ്വന്തം സ്വഭാവ രീതികളോട് വീട്ടുകാര് അനിഷ്ടം പ്രകടിപ്പിച്ചതും തന്റെ സുഹൃത്തുക്കളെ വീട്ടുകാര്ക്ക് ഇഷ്ടമല്ലാത്തതും അല്ബിനെ ചൊടിപ്പിച്ചിരുന്നു. കൂടാതെ വീടിന് അടുത്തുള്ള യുവതിയോട് ആല്ബിനുണ്ടായിരുന്ന അടുപ്പം വീട്ടുകാര് ഇഷ്ടപ്പെടാതിരുന്നതും പ്രതിക്ക് വൈരാഗ്യം വര്ധിപ്പിച്ചു.
സഹോദരിയോട് മോശമായി പെരുമാറാന് ശ്രമിച്ചതും അശ്ലീല വിഡിയോ കാണുന്നതും സഹോദരി വീട്ടുകാരോട് പറയുമോ എന്ന ആശങ്കയും പ്രതിക്കുണ്ടായിരുന്നതായി പൊലീസ് പറഞ്ഞു.
ആൽബിനെ ഇന്ന് തെളിവെടുപ്പിനായി വീട്ടിലെത്തിക്കുമെന്ന് സൂചന; അച്ഛൻ ബെന്നി അപകട നില തരണം ചെയ്തു
ബളാല് അരിങ്കല്ലിലെ ഓലിക്കല് ബെന്നിയുടെ മകള് ആന്മേരി മരിയയുടെ(16) മരണത്തിലാണ് സഹോദരന് ആല്ബിന് ബെന്നിയെ(22) പൊലീസ് അറസ്റ്റ് ചെയ്തത്.
മാതാപിതാക്കള് ഉള്പ്പെടെ 3 പേര്ക്കാണ് ഐസ്ക്രീമില് എലിവിഷം ചേര്ത്തു നല്കിയത്. കഴിഞ്ഞ 31ന് വീട്ടിലുണ്ടാക്കിയ ഐസ്ക്രീം ആല്ബിന് ഒഴികെ മറ്റെല്ലാവരും കഴിച്ചു. തുടര്ന്ന് അവശനിലയിലായ ആന് മരിയക്ക് മഞ്ഞപ്പിത്തമാണെന്നു കരുതി നാടന് ചികിത്സ നല്കി.
പ്രതികരിക്കാൻ ഇവിടെ എഴുതുക