തിരുവനന്തപുരം: സംസ്ഥാനത്ത് കഴിഞ്ഞ രണ്ട് ദിവസങ്ങളിലായി നടന്ന പ്രതിഷേധ പ്രകടനങ്ങളില് കോവിഡ് മാനദണ്ഡം ലംഘിച്ചുവെന്ന് ആരോഗ്യമന്ത്രി കെ.കെ ശൈലജ. മാസ്ക് ധരിക്കാതെയും സാമൂഹിക അകലം പാലിക്കാതയുമാണ് പ്രതിഷേധം നടന്നതെന്നും ഇതിെന്റ പ്രത്യാഘാതം വലുതായിരിക്കുമെന്നും അവര് ഫേസ്ബുക്കില് കുറിച്ചു.
ആരോഗ്യമന്ത്രിയുടെ ഫേസ്ബുക്ക് പോസ്റ്റിന്റെ പൂര്ണ്ണ രൂപം
സംസ്ഥാനത്ത് കോവിഡ് കേസുകള് കൂടിവരുന്ന സാഹചര്യത്തില് ജാഗ്രത കുറഞ്ഞാല് പ്രത്യാഘാതം വലുതായിരിക്കും. എല്ലാ കോവിഡ് പ്രോട്ടോകോളുകളും ലംഘിച്ചാണ് ഇന്നലേയും ഇന്നുമായി പലരും പൊതുനിരത്തുകളിലിറങ്ങി പ്രതിഷേധിച്ചത്. പലരും മാസ്ക് ധരിക്കുകയോ സാമൂഹിക അകലം പാലിക്കുകയോ ചെയ്തിട്ടില്ല. ആരില് നിന്നും ആരിലേക്കും രോഗം പകരാനുള്ള സാധ്യതയാണുള്ളത്.
അവരില് നിന്നും അവരുടെ കുടുംബാംഗങ്ങളിലേക്കും മുതിര്ന്നവരിലേക്കും പകരാന് സാധ്യതയുണ്ട്. മുതിര്ന്നവര്ക്കും അസുഖമുള്ളവര്ക്കും കുട്ടികള്ക്കും രോഗം ബാധിച്ചാല് സ്ഥിതി അതിസങ്കീര്ണമാകും. പെരുമാറ്റച്ചട്ടം ലംഘിക്കുന്നത് അവരോടുംകൂടി ചെയ്യുന്ന ക്രൂരതയാണ്. ദുരന്ത നിവാരണ നിയമമനുസരിച്ചും പകര്ച്ചവ്യാധി നിയന്ത്രണ നിയമമനുസരിച്ചും ഇത് കുറ്റകരവുമാണ്. ജാഗ്രത പാലിച്ചില്ലെങ്കില് പോസിറ്റീവ് കേസുകളുടെ എണ്ണവും മരണനിരക്കും വന് തോതില് വര്ധിക്കാന് ഇടയുണ്ട്.
https://www.facebook.com/kkshailaja/posts/3291293657625259?__cft__[0]=AZVTsxltkXUEbV3a2Sd2ZC-HQ5WGsvZG_WCjMlXV_PQoht2wiSXh-zIiQbVxROrZptBRk7raV4-fvsgQHyE1ofKJTB9-t7m40FJKImJd71il9sV7foknYA91dF7kN2ICfcijfeYUhHaeCY0RWH552MYJP4zNIR1HTggLbovFnrWbIA&__tn__=%2CO%2CP-R
പ്രതികരിക്കാൻ ഇവിടെ എഴുതുക