സെപ്റ്റംബർ മാസത്തിൽ വിവിധ മോഡലുകൾക്ക് വൻ ഡിസ്കൗണ്ടുകൾ വാഗ്ദാനം ചെയ്ത് ചില മാരുതി സുസുക്കി ഡീലർമാർ. അരീന, നെക്സ ഔട്ട്ലെറ്റുകളിൽ സാധുതയുള്ള ഈ ആനുകൂല്യങ്ങൾ ക്യാഷ് ഡിസ്കൗണ്ട്, എക്സ്ചേഞ്ച് ബോണസ്, കോർപ്പറേറ്റ് ഡിസ്കൗണ്ട് എന്നിവയുടെ രൂപത്തിലാണ് ഉപഭോക്താക്കളിലേക്ക് എത്തിക്കുന്നത്.
മാരുതി സുസുക്കി സെലെറിയോയ്ക്ക് 25,000 രൂപ ക്യാഷ് ഡിസ്കൗണ്ട്, 20,000 രൂപ എക്സ്ചേഞ്ച് ബോണസ്, 5,000 രൂപ കോർപ്പറേറ്റ് ഡിസ്കൗണ്ട് എന്നിവ തെരഞ്ഞെടുത്ത അരീന ഡീലർഷിപ്പിലൂടെ ലഭ്യമാണ്.
എൻട്രി ലെവൽ ഹാച്ച്ബാക്ക് മോഡലായ ആൾട്ടോ 800-ന് 18,000 രൂപയുടെ ക്യാഷ് ഡിസ്കൗണ്ട്, 15,000 രൂപ എക്സ്ചേഞ്ച് ബോണസ്, 3,000 രൂപ കോർപ്പറേറ്റ് ഡിസ്കൗണ്ട് എന്നിവയും വാഗ്ദാനം ചെയ്യുന്നുണ്ട്. അതേസമയം എർട്ടിഗയിലെ ആനുകൂല്യങ്ങൾ 5,000 രൂപ കോർപ്പറേറ്റ് കിഴിവായി പരിമിതപ്പെടുത്തിയിരിക്കുന്നു.
മാരുതി ഇക്കോ, വാഗൺആർ എന്നിവയിലെ കിഴിവുകളിൽ 10,000 രൂപ ക്യാഷ് ഡിസ്കൗണ്ട്, 20,000 രൂപ എക്സ്ചേഞ്ച് ബോണസ്, 3,000 രൂപ വീതമുള്ള കോർപ്പറേറ്റ് ഡിസ്കൗണ്ട് എന്നിവ ഉൾപ്പെടുന്നു. കൂടാതെ എസ്-പ്രെസോ, സ്വിഫ്റ്റ് എന്നിവയ്ക്ക് 10,000 രൂപ ക്യാഷ് ഡിസ്കൗണ്ടും, 20,000 രൂപ എക്സ്ചേഞ്ച് ബോണസും, 5,000 രൂപ വീതം കോർപ്പറേറ്റ് ഡിസ്കൗണ്ടും അനുവദിച്ചിട്ടുണ്ട്.
പ്രതികരിക്കാൻ ഇവിടെ എഴുതുക