ചെലവ് ചുരുക്കലിനും വരുമാനം വര്ധിപ്പിക്കുന്നതിനും കര്ശന നടപടികളുമായി സര്ക്കാര്. കൊറോണ പശ്ചാത്തലത്തില് ആണ് തീരുമാനം. സംസ്ഥാനം നേരിടുന്ന കടുത്ത സാമ്പത്തിക പ്രതിസന്ധിയുടെ പശ്ചാത്തലത്തിലുമാണ് തീരുമാനം. പാവപ്പെട്ടവരുടെ സംരക്ഷണം വര്ദ്ധിപ്പിക്കുന്നതിനുമുള്ള നടപടികളാണ് സര്ക്കാര് സ്വീകരിക്കുന്നത്. ജീവനക്കാരുടെ ശമ്പളം മാറ്റിവയ്ക്കല് സെപ്റ്റംബര് 1 മുതല് 6 മാസത്തേക്കു കൂടി നീട്ടി. 20 വര്ഷം ശൂന്യവേതന അവധി എന്നുള്ളത് 5 വര്ഷമായി ചുരുക്കി. അധ്യാപന സമയം ആഴ്ചയില് കുറഞ്ഞത് 16മണിക്കൂര് ഉണ്ടാകണം എന്ന മാനദണ്ഡത്തിലായിരിക്കും കോളേജ് അധ്യാപകരുടെ പുതിയ തസ്തിക സൃഷ്ടിക്കുന്നത്.
ഒരു കുട്ടിയുടെ എണ്ണം കൂടിയാല് ഒരു അധിക തസ്തിക സൃഷ്ടിക്കുവാന് കഴിയുന്ന വ്യവസ്ഥകള് ബന്ധപ്പെട്ട ചട്ടങ്ങളില് നിന്ന് ഒഴിവാക്കും.സ്കൂളുകളില് അധ്യാപക തസ്തിക സൃഷ്ടിക്കുന്നതിനുള്ള അന്തിമാധികാരം സര്ക്കാരിനായിരിക്കും. എയ്ഡഡ് സ്കൂളുകളില് സൃഷ്ടിക്കുന്ന പുതിയ അധ്യാപക തസ്തികകളില് പ്രൊട്ടക്ടഡ് അധ്യാപകര്ക്കായിരിക്കും മുന്ഗണന.
സര്ക്കാര് കെട്ടിടങ്ങള് മോടിപിടിപ്പിക്കുന്നതും ഫര്ണിച്ചര്,വാഹനങ്ങള് തുടങ്ങിയവ വാങ്ങുന്നതിനും അനുവദിക്കില്ല. ഇപ്രകാരം മാറ്റിവയ്ക്കപ്പെടുന്ന ശമ്ബളത്തിന് 2021 ഏപ്രില് 1ന് പി.എഫില് ലയിപ്പിക്കുന്നതു വരെ 9 ശതമാനം പ്രതിവര്ഷ പലിശ നല്കും. പി.എഫ് ഇല്ലാത്ത പെന്ഷന്കാര് ഉള്പ്പെടെയുള്ളവര്ക്ക് 2021 ജൂണ് 1-നു ശേഷം ഓരോ മാസത്തെയും തുക തുല്യ തവണകളായി പണമായി തിരിച്ചു നല്കും.
ഇപ്പോള് മാറ്റി വെച്ചിരിക്കുന്ന ലീവ് സറണ്ടര് ആനുകൂല്യം പിഎഫില് ലയിപ്പിക്കും എന്ന വ്യവസ്ഥയില് സെപ്റ്റംബര് മാസം മുതല് അനുവദിക്കും. ഇത് 2021 ജൂണ് 1 മുതല് മാത്രമേ പിഎഫില് നിന്ന് പിന്വലിക്കാന് സാധിക്കുക. കേന്ദ്രാവിഷ്കൃത പദ്ധതികളുള്പ്പെടെ പല പദ്ധതികളും പ്രവര്ത്തനം അവസാനിപ്പിച്ചിട്ടും പദ്ധതികള്ക്കായി നിയമിച്ച ജീവനക്കാരെ ആവശ്യമുള്ള വകുപ്പുകളിലേക്കു വിന്യസിക്കും.
പ്രതികരിക്കാൻ ഇവിടെ എഴുതുക