കോണ്ഗ്രസ് നേതാക്കളുടെ സന്ദര്ശനത്തിന് തൊട്ടുപിന്നാലെ ഉത്തര്പ്രദേശ് സര്ക്കാര് ഹാത്രസ് ബലാല്സംഗക്കേസില് സിബിഐ അന്വേഷണം പ്രഖ്യാപിച്ചു. കേസ് സിബിഐയ്ക്ക് കൈമാറാനുള്ള നടപടി സ്വീകരിക്കാന് മുഖ്യമന്ത്രി യോഗി ആദിത്യനാഥ് ചീഫ് സെക്രട്ടറി ഉള്പ്പെടെയുള്ളവര്ക്ക് നിര്ദേശം നല്കി.
പെണ്കുട്ടിക്ക് നീതി ഉറപ്പാക്കും വരെ പോരാട്ടം തുടരുമെന്ന് ഹാത്രസിലെത്തിയ പ്രിയങ്ക ഗാന്ധി. രാഹുൽ ഗാന്ധിയും പ്രിയങ്ക ഗാന്ധിയുംകൊല്ലപ്പെട്ട പെണ്കുട്ടിയുടെ കുടുംബാംഗങ്ങളെ സന്ദര്ശിച്ചു. പെണ്കുട്ടിയുടെ മാതാപിതാക്കളും സഹോദരങ്ങളും തങ്ങൾ നേരിട്ട ക്രൂരത വിവരിച്ചു.
ഇരയുടെ കുടുംബത്തെ സംരക്ഷിക്കേണ്ടത് യുപി സര്ക്കാരിന്റെ ഉത്തരവാദിത്തമാണെന്നും ഒരു ശക്തിക്കും ഹാത്രസ് പെണ്കുട്ടിയുടെ കുടുംബത്തിന്റെ ശബ്ദം ഇല്ലാതാക്കാനാവില്ലെന്നും രാഹുൽ ഗാന്ധി പറഞ്ഞു.
കലാഭവന് മണിയുടെ സഹോദരന് രാമകൃഷ്ണന് ആത്മഹത്യയ്ക്ക് ശ്രമിച്ചു
പെണ്കുട്ടിയുടെ കുടുംബത്തെ യുപി ഭരണകൂടം ഭീഷണിപ്പെടുത്തുന്നുവെന്നും കോടതിയുടെ മേല്നോട്ടത്തില് അന്വേഷണം വേണമെന്നാണ് കുടുംബത്തിന്റെ ആവശ്യമെന്നും എഐസിസി ജനറൽ സെക്രട്ടറി കെ.സി. വേണുഗോപാൽ പറഞ്ഞു.
നിയമപോരാട്ടത്തില് കുടുംബത്തിന് കോണ്ഗ്രസ് പൂര്ണപിന്തുണ നല്കുമെന്നും അദ്ദേഹം കൂട്ടിച്ചേര്ത്തു. സംഘടനാ ജനറൽ സെക്രട്ടറി കെ.സി.വേണുഗോപാല്, ലോക്സഭാ കക്ഷി നേതാവ് അധീര് രഞ്ജന് ചൗധരി, മുകുൾ വാസ്നിക് എന്നിവര്ക്കൊപ്പമാണ് രാഹുലും പ്രിയങ്കയും ഹാത്രസിലെത്തിയത്.
ശനിയാഴ്ച വൈകിട്ടാണ് ഹത്രസിൽ പെൺകുട്ടിയുടെ വീട് സന്ദർശിക്കാൻ യുപി പൊലീസ് ഇരുവർക്കും അനുമതി നൽകിയത്. സഹോദരി പ്രിയങ്ക ഗാന്ധിയോടൊപ്പം കാറിലെത്തിയ രാഹുലിനെ ഡിഎൻഡി എക്സ്പ്രസ് വേയിൽ പൊലീസ് തടഞ്ഞിരുന്നു. എന്നാൽ പിന്നീട് ഇരുവരെയും ഹത്രസിലേക്കു പോകാൻ അനുവദിച്ചു.
പ്രതികരിക്കാൻ ഇവിടെ എഴുതുക