തിരുവനന്തപുരം: ശബരിമല ക്ഷേത്ര ദര്ശനത്തിന് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കണമെന്ന് വിദഗ്ധ സമിതി. 60 വയസ്സിന് മുകളിലുള്ളവരുടെ കൈവശം ഗുരുതരമായ അസുഖങ്ങള് ബാധിച്ചിട്ടില്ലെന്ന് സാക്ഷ്യപ്പെടുത്തുന്ന റിപ്പോര്ട്ട് ഉണ്ടായിരിക്കണം. തിങ്കള് മുതല് വെള്ളി വരെ ദിവസവും ആയിരം പേര്ക്കും ശനി, ഞായര് ദിവസങ്ങളില് രണ്ടായിരം പേര്ക്കുമെന്ന നിലയില് ദര്ശനം ക്രമീകരിക്കണം.
ക്ഷേത്രം തുറക്കുമ്പോൾ പാലിക്കേണ്ട കൊവിഡ് പ്രോട്ടോക്കോള് സംബന്ധിച്ച് സമിതി സംസ്ഥാന സര്ക്കാരിന് സമർപ്പിച്ച റിപ്പോർട്ടിലാണ് ഇക്കാര്യങ്ങൾ വ്യക്തമാക്കിയിട്ടുള്ളത്. മണ്ഡല മകരവിളക്ക് തീര്ത്ഥാടന കാലത്ത് ഒരുദിവസം പരമാവധി 1000 പേരെ മാത്രമേ സന്നിധാനത്തേക്ക് പ്രവേശിപ്പിക്കാവു. എന്നാല് ശനി, ഞായര് ദിനങ്ങളില് അത് പരമാവധി 2000 പേര്വരെയാകാമെന്ന് മന്ത്രി കടകംപള്ളി സുരേന്ദ്രന് പറഞ്ഞു.
പ്രതികരിക്കാൻ ഇവിടെ എഴുതുക