ജനക്കൂട്ടം കൂടുന്ന വിധത്തിലുള്ള ആഘോഷങ്ങളും ഉത്സവങ്ങളും കോവിഡ് വ്യാപനം രൂക്ഷമാക്കാനുള്ള സാഹചര്യമൊരുക്കുന്നുവെന്ന് കേന്ദ്ര ആരോഗ്യമന്ത്രി ഡോ. ഹര്ഷവര്ധന്. ആളുകള് കൂട്ടംചേര്ന്ന് ഉത്സവങ്ങള് ആഘോഷിക്കണമെന്ന് ഒരു ദൈവവും മതവും ആവശ്യപ്പെടുന്നില്ല. നിയന്ത്രണമില്ലാത്ത ഉത്സവാഘോഷങ്ങള് എങ്ങനെ രോഗവ്യാപനത്തിന് ഇടയാക്കുമെന്നതിന് കേരളത്തെ മന്ത്രി ഉദാഹരണമായി ചൂണ്ടിക്കാട്ടി. കേരളത്തിലെ ആകെ കേസുകളുടെ 60 ശതമാനവും രേഖപ്പെടുത്തിയത് കഴിഞ്ഞ ഒരാഴ്ചയ്ക്കിടയിലാണ്. ക്രമാനുഗതമായി കേസുകള് വര്ധിച്ചുവരികയാണ്.
കേരളത്തിൽ ഓണാഘോഷത്തിന് ശേഷം രോഗം രൂക്ഷമായെന്ന എസ്.ബി.ഐ റിസര്ച്ച് നടത്തിയ പഠന റിപ്പോര്ട്ടിനെ ഉദ്ധരിച്ചാണ് മന്ത്രിയുടെ വിശദീകരണം. ഉത്സവങ്ങള് ആഘോഷിക്കുന്നത് സംബന്ധിച്ച് വിശദമായ മാര്ഗനിര്ദേശങ്ങള് പുറപ്പെടുവിച്ചിട്ടും അവ പാലിക്കുന്നതില് വീഴ്ചസംഭവിക്കുന്നത് കോവിഡ് 19 കേസുകളില് വലിയ വര്ധനയുണ്ടാക്കുമെന്ന് ആശങ്കയുയര്ത്തുന്നതായും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക