ജ്ഞാനപീഠം ജേതാവ് മഹാകവി അക്കിത്തം അച്യുതൻ നമ്പൂതിരിയുടെ നിര്യാണത്തിൽ മുഖ്യമന്ത്രി പിണറായി വിജയന്, ഗവര്ണര് ആരിഫ് മുഹമ്മദ് ഖാന്, പ്രതിപക്ഷ നേതാവ് രമേശ് ചെന്നിത്തല എന്നിവർ അനുശോചനം അറിയിച്ചു. ഉദാത്ത മനുഷ്യസ്നേഹത്തിന്റെ മഹാകവിയായിരുന്നു അക്കിത്തമെന്ന് മുഖ്യമന്ത്രി പറഞ്ഞു. അക്കിത്തത്തിന്റെ വേർപാടിൽ മുഖ്യമന്ത്രി അഗാധമായ ദുഃഖവും അനുശോചനവും പ്രകടിപ്പിച്ചു.
കൂടത്തായി കൊലപാതക കേസ്; പ്രതി ജോളിക്ക് ജാമ്യം
മഹാകവി അക്കിത്തത്തിന്റെ വിയോഗം ഭാരതീയ സാഹിത്യത്തിന്, വിശേഷിച്ച് മലയാള കവിതയ്ക്ക് തീരാനഷ്ടമാണെന്ന് ഗവര്ണര് പറഞ്ഞു. കവിതയിലെ സമുന്നത പാരമ്പര്യം എന്നും കാത്തുസൂക്ഷിച്ച അക്കിത്തത്തിന്റെ രചനകളില് ഭാരതീയ പാരമ്പര്യവും മൂല്യങ്ങളും ആഴത്തില് പ്രതിഫലിച്ചുവെന്നും ഭാരതീയ ദര്ശനങ്ങളില് അടിയുറച്ചുനിന്നുകൊണ്ട് മലയാള കവിതയില് നവീന ഭാവുകത്വം സൃഷ്ടിക്കുന്നതില് അദ്ദേഹം പങ്കുവഹിച്ചുവെന്നും അദ്ദേഹം കൂട്ടിക്കിച്ചേർത്തു.
ജോസ് കെ മാണിയുടെ ഇടത് പ്രവേശനം; സിപിഎം-സിപിഐ ചർച്ച ഇന്ന്
മാനവികതയുടെ മഹത് സൗന്ദര്യം നിറഞ്ഞു നില്ക്കുന്ന അത്യുജ്ജല രചനകള് അയിരുന്നു അദ്ദേഹത്തിന്റേതെന്ന് രമേഷ് ചെന്നിത്തല പറഞ്ഞു. മനുഷ്യ ദുഃഖങ്ങളും ജീവിത പ്രതിസന്ധികളും ഇത്രമേല് മനോഹരമായി ആവിഷ്കരിച്ച കവികള് മലയാളത്തില് അധികം ഉണ്ടായിട്ടില്ല. ജ്ഞാനപീഠം ലഭിച്ച് മാസങ്ങള്ക്ക് ശേഷമാണ് അദ്ദേഹം വിടവാങ്ങുന്നത്. അക്കിത്തത്തിന്റെ ദേഹവിയോഗത്തിലൂടെ മലയാള സാഹിത്യത്തിലെ ഒരു യുഗമാണ് അസ്തമിച്ചതെന്നും രമേശ് ചെന്നിത്തല അനുശോചന സന്ദേശത്തില് പറഞ്ഞു.
പ്രതികരിക്കാൻ ഇവിടെ എഴുതുക