യെമന്: മുഖ്യമന്ത്രിയോട് സഹായം അഭ്യര്ത്ഥിച്ച് യെമന് ജയിലില് വധശിക്ഷ കാത്ത് കഴിയുന്ന നിമിഷ പ്രിയ. ജയില് മോചനത്തിന് സഹായിക്കണമെന്ന് ആവശ്യപ്പെട്ട് പാലക്കാട് കൊല്ലങ്കോട് സ്വദേശിയായ ഇവര് മുഖ്യമന്ത്രിക്ക് കത്തെഴുതുകയായിരുന്നു.
ഓരോ നിമിഷവും ജീവന് വേണ്ടി പ്രാര്ത്ഥിച്ചും അമ്മയേയും കുഞ്ഞിനേയും ഭര്ത്താവിനേയും ഇനി കാണാന് കഴിയുമോ എന്ന ആശങ്കയോടെയുമാണ് ദിനങ്ങള് തള്ളിനീക്കുന്നതെന്ന് കത്തില് സൂചിപ്പിക്കുന്നു.
മുഖ്യമന്ത്രിയെ വിമർശിച്ച മാധ്യമപ്രവർത്തകനെ അറസ്റ്റ് ചെയ്ത പോലീസ് നടപടിക്കെതിരെ ബിജെപി
യെമന് സനയിലെ ജയില് നിന്നാണ് മുഖ്യമന്ത്രിയ്ക്ക് നിമിഷ പ്രിയയുടെ ഈ കത്ത്. യുവതിയുടെ ജയില് മോചന ശ്രമങ്ങള്ക്കായി രൂപീകരിച്ച സേവ് നിമിഷ പ്രിയ ഇന്റര്നാഷണല് ആക്ഷന് കൗണ്സില് മുഖേനയാണ് കത്ത് കൈമാറിയത്. സര്ക്കാര് തലത്തിലുള്ള നിയമ, നയതന്ത്ര സഹായങ്ങളാണ് യുവതി കത്തില് ആവശ്യപ്പെടുന്നത്. മുഖ്യമന്ത്രിയുടെയും കേന്ദ്രത്തിന്റെയും ഇടപെടലുകള് കൂടി ഉണ്ടായാല് മോചനം സാധ്യമാകുമെന്ന പ്രതീക്ഷയിലാണ് നിമിഷ പ്രിയ.
പ്രതികരിക്കാൻ ഇവിടെ എഴുതുക