തിരുവനന്തപുരം: മലയാള ചലച്ചിത്രങ്ങളില് പിന്നണി പാടില്ലെന്ന വിജയ് യേശുദാസിന്റെ തീരുമാനത്തെക്കുറിച്ചുള്ള ചര്ച്ചകള് സോഷ്യല് മീഡിയയില് സജീവമായിരിക്കുകയാണ്. മലയാള സിനിമയില് സംഗീത മേഖലയില് പ്രവര്ത്തിക്കുന്നവര്ക്ക് അര്ഹിക്കുന്ന അംഗീകാരവും പ്രതിഫലവും ലഭിക്കാത്തതില് പ്രതിഷേധിച്ചാണ് വിജയ് യേശുദാസിന്റെ തീരുമാനം. പ്രതിഫല കാര്യത്തില് കടുംപിടുത്തം പാടില്ലെന്നും കല ഉപദേശവുമായി അനുകൂലികളും പ്രതികൂലികളും സോഷ്യല് മീഡിയയില് ചര്ച്ചകള് മുന്നേറുന്നതിനിടെ സംഗീത സംവിധായകന് എം. ജയചന്ദ്രന് ജീവിക്കാന് സിനിമാ സംഗീത സംവിധായകന്റെ വരുമാനം മാത്രം മതിയാകില്ലെന്നാണ് തുറന്നു പറയുന്നു. വിജയ് വിവാദത്തിനു പിന്നാലെ ഒരു മാഗസിന് നല്കിയ അഭിമുഖത്തിലാണ് അദ്ദേഹത്തിന്റെ വെളിപ്പെടുത്തല്.
പുതിയ സിനിമയുടെ സെറ്റിൽ വെച്ച് പൃഥ്വിരാജിന് കോവിഡ് സ്ഥിരീകരിച്ചു; അണിയറ പ്രവർത്തകർ ക്വാറന്റീനിൽ
‘മലയാള സിനിമയില് ഏറ്റവും ചെറിയ വരുമാനത്തില് ജോലി ചെയ്യുന്നവര് സംഗീതസംവിധായകര് തന്നെയാണ്. മലയാള സംഗീതത്തെക്കുറിച്ച് വ്യാവസായികമായി ചിന്ദിക്കുമ്പോൾ പ്രൊഡ്യൂസര്മാര്ക്ക് അതിലപ്പുറം ചെലവാക്കാനാകാത്ത അവസ്ഥയും ഉണ്ട്. രണ്ടു വശത്തു നിന്നും അതിനെ കാണേണ്ടതുണ്ട്. കന്നടയോ തെലുങ്കോ ഹിന്ദിയോ ഒക്കെ വച്ച് നോക്കുമ്ബോള് അവര്ക്കു കിട്ടുന്നതിന്റെ പത്തു ശതമാനമെങ്കിലും കിട്ടാന് നമ്മള് അര്ഹരല്ലേ എന്നു പലപ്പോഴും ചിന്തിച്ചിട്ടുണ്ട്. വലിയ കഷ്ടമാണത്. മലയാളത്തില് ബാബുരാജ് മുതല് രവീന്ദ്രന് മാസ്റ്ററോ ജോണ്സണ് മാസ്റ്ററോ വരെയുള്ളവരെല്ലാം സാമ്ബത്തികമായി ഒരുപാട് ബുദ്ധിമുട്ടിയവരാണ്. ഗായകര്ക്ക് പിന്നെയും ഗുണങ്ങളുണ്ട്. അവര് ചോദിക്കുന്ന പണം കിട്ടുന്നുണ്ട്. പലപ്പോഴും അത് സംഗീതസംവിധായകര് തന്നെ കൈയില് നിന്ന് നല്കേണ്ട അവസ്ഥയുമുണ്ട്. ഇങ്ങനെയൊക്കെ ആണെങ്കിലും സംഗീതത്തോടുള്ള പാഷനാണ് ഈ രംഗത്ത് തുടരാന് പ്രേരിപ്പിക്കുന്നത്.
പണമുണ്ടാക്കാനുള്ള മാധ്യമം ആയല്ല സിനിമയെ കാണുന്നത്. ജീവിതം മുന്നോട്ടു പോകാന് സിനിമയില് നിന്നുള്ള വരുമാനം മാത്രം മതിയാകാതെ വരുന്നതുകൊണ്ടാണ് മറ്റു പരിപാടികളും റിയാലിറ്റി ഷോകളും ഏല്ക്കുന്നത്. അത് മലയാളത്തിലെ സംഗീതസംവിധായകരുടെ ഗതികേടാണ്. സിനിമ എന്നത് കൊമേഴ്സ്യല് മീഡിയം തന്നെയാണ്. പുണ്യം നേടാനല്ലല്ലോ സിനിമ ചെയ്യുന്നത്. പാട്ട് ചെയ്യാന് വിളിക്കുമ്ബോള് തന്നെ ഹിറ്റ് പാട്ട് വേണം അല്ലെങ്കില് വ്യത്യസ്തമായ പാട്ട് വേണം എന്നല്ലേ എല്ലാവരും പറയാറുള്ളത്. അതെങ്ങനെയുണ്ടാകും? അതിനു സംഗീതസംവിധായകന്റെ ഭാഗത്തു നിന്ന് വലിയ അധ്വാനം വേണം. ആ അധ്വാനത്തിനുള്ള മാന്യമായ, ന്യായമായ പ്രതിഫലം മാത്രമാണ് ആവശ്യപ്പെടുന്നത്. കൂടുതലൊന്നും വേണ്ട.
ജോസ് കെ മാണിയുടെ എൽഡിഎഫ് പ്രവേശനം; സിപിഐ സംസ്ഥാന നിർവ്വാഹക സമിതി ചർച്ച നാളെ
ബിഗ് ബജറ്റ് പടമാണെങ്കില് അഭിനേതാക്കള്ക്കും മറ്റെല്ലാ വിഭാഗങ്ങള്ക്കും പ്രതിഫലം കൂടും. പക്ഷേ, സംഗീതവിഭാഗത്തിലെ ആര്ക്കും കൂടില്ല. അവഗണിക്കപ്പെടുന്ന വിഭാഗമായി നമ്മളിങ്ങനെ വര്ഷങ്ങളായി കഴിയുന്നു. എനിക്കു പരാതിയൊന്നുമില്ല, പക്ഷേ ഇത് മാറണം. പുറത്തു നിന്ന് സംഗീതസംവിധായകരെ കൊണ്ടു വരുമ്ബോള് അവര് ചോദിക്കുന്ന പണം നല്കാറുണ്ട്. അപ്പോള് അടിസ്ഥാനപരമായി എന്താണ് മാനദണ്ഡം ? എനിക്കിതുവരെ അതു മനസ്സിലായിട്ടില്ല. ഇത്ര പണം തന്നാലേ വര്ക്ക് ചെയ്യൂ എന്ന് ഞാനിതുവരെ പറഞ്ഞിട്ടില്ല. പാട്ടിന് അഡ്വാന്സ് വാങ്ങാറുമില്ല. സംവിധായകന് ആദ്യം ട്യൂണ് ഇഷ്ടപ്പെടട്ടെ, എന്നിട്ട് പണം വാങ്ങാം എന്നാണ് പറയാറുള്ളത്. ഗായകനും ഗാനരചയിതാവിനും അവരുടെ വര്ക് തീര്ന്നയുടന് പണം നല്കും. സംഗീതസംവിധായകനെ ഇതെല്ലാം പാക്കേജ് ആയി അടിച്ചേല്പ്പിക്കുകയാണ് ചെയ്യുന്നത്. ഇതൊക്കെ എങ്ങനെയാണ് ന്യായീകരിക്കേണ്ടത് എന്ന് അറിയില്ല.
സിനിമയില് ഒരാളും അവശ്യഘടകമല്ല. എം. ജയചന്ദ്രന് സംഗീതം ചെയ്തില്ലെങ്കില് നഷ്ടം എനിക്കു മാത്രമാണ്. സിനിമയ്ക്ക് ഒന്നും സംഭവിക്കില്ല. നമ്മുടെ സ്വപ്നങ്ങള് യാഥാര്ഥ്യമാക്കണമെന്നുള്ളതുകൊണ്ട് ഇതെല്ലാം സഹിച്ച് മുന്നോട്ടു പോകുന്നു എന്നു മാത്രം.
പ്രതികരിക്കാൻ ഇവിടെ എഴുതുക