തമിഴ്നാട് നിയമസഭയിലേക്കുള്ള തെരഞ്ഞെടുപ്പില് മുഴുവന് സീറ്റിലേക്കും ഒറ്റയ്ക്ക് മത്സരിക്കാന് തീരുമാനിച്ച് രജനികാന്ത്. ബി.ജെ.പിയടക്കമുള്ള പാര്ട്ടികള് സഖ്യ സാധ്യതകള് ആരായുന്നതിനിടെയാണ് ഒറ്റയ്ക്ക് മത്സരിക്കാന് രജനിയുടെ തീരുമാനം.
നേരത്തെ രജനികാന്തുമായി സഖ്യ ചര്ച്ചകള്ക്ക് കമല്ഹാസന്റെ പാര്ട്ടിയായ മക്കള് നീതി മയ്യവും ശ്രമിച്ചിരുന്നു. തെരഞ്ഞെടുപ്പില് ഡി.എം.കെ, എ.ഐ.ഡി.എം.കെ പാര്ട്ടികളെ വിമര്ശിക്കാതെ തനിക്ക് എന്ത് ചെയ്യാന് സാധിക്കുമെന്ന് പറഞ്ഞ് വോട്ട് പിടിക്കാനാണ് രജനിയുടെ തീരുമാനം.
രജനിയുടെത് ഗാന്ധിയുടെ മാര്ഗമാണെന്നും ആത്മീയ രാഷ്ട്രീയവും മത രാഷ്ട്രീയവും രണ്ടാണെന്നുമാണ് രജനികാന്തിന്റെ പാര്ട്ടി വൃത്തങ്ങള് മാധ്യമങ്ങളോട് പറഞ്ഞത്.
ഭാരത് ബന്ദിന് പിന്തുണയുമായി ഗതാഗത സംഘടനകള്, രാജ്യം നിശ്ചലമാകും
അതേസമയം ബി.ജെ.പിയുടെ കളിപാവയാണ് രജനികാന്ത് എന്നാണ് കോണ്ഗ്രസ് പറഞ്ഞത്. എന്നാല് തങ്ങളുടെ സഖ്യകക്ഷിയായ ഡി.എം.കെയുടെ വോട്ട് ചോര്ന്ന് പോകുമോ എന്ന പേടിയാണ് കോണ്ഗ്രസിനെന്ന് ബി.ജെ.പി പറഞ്ഞു.
ഡിസംബര് 31 നാണ് രജനികാന്തിന്റെ പുതിയ പാര്ട്ടിയുടെ പ്രഖ്യാപനം. ജനുവരിയിലാണ് പാര്ട്ടിയുടെ പ്രവര്ത്തനം ആരംഭിക്കുക
തിങ്കളാഴ്ച രജനി മക്കള് മണ്ട്രം പ്രവര്ത്തകരുടെ യോഗം രജനീകാന്ത് വിളിച്ചു ചേര്ത്തിരുന്നു. നേരത്തെ രജനീകാന്തിനെ കൂടെ ചേര്ക്കാന് ബി.ജെ.പി ശ്രമിച്ചിരുന്നു. ഇതിന് മുന്നോടിയായി കഴിഞ്ഞയാഴ്ച ചെന്നൈയില് എത്തിയ അമിത് ഷാ രജനീകാന്തുമായി കൂടിക്കാഴ്ച നടത്തുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക