കേന്ദ്ര മാനവ വിഭവ ശേഷി വികസന മന്ത്രാലയത്തിന്റെ കീഴില് പ്രവര്ത്തിക്കുന്ന എസ് ആര് സി കമ്മ്യൂണിറ്റി കോളേജ് 2021 ജനുവരിയില് ആരംഭിക്കുന്ന ഒരു വര്ഷത്തെ മോണ്ടിസോറി ടീച്ചര് ട്രെയിനിംഗ് ഡിപ്ലോമ കോഴ്സിനും രണ്ടു വര്ഷത്തെ അഡ്വാന്സ്ഡ് ഡിപ്ലോമ കോഴ്സിനും അപേക്ഷ ക്ഷണിച്ചു. വിദൂര വിദ്യാഭ്യാസ രീതിയില് നടത്തുന്ന കോഴ്സിന് കോണ്ടാക്ട് ക്ലാസ്സുകളും ഇന്റേണ്ഷിപ്പും, ടീച്ചിംഗ് പ്രാക്ടീസും ഉണ്ടായിരിക്കും.
യോഗ്യത പ്ലസ് ടു അല്ലെങ്കില് ഏതെങ്കിലും ടീച്ചര് ട്രെയിനിംഗ് കോഴ്സ്/ഡിപ്ലോമ. അപേക്ഷ സ്വീകരിക്കുന്ന അവസാന തീയതി 2021 ജനുവരി 15. തിരുവനന്തപുരം, കൊല്ലം, പത്തനംതിട്ട, ആലപ്പുഴ, തൃശ്ശൂര്, മലപ്പുറം, എറണാകുളം, കോഴിക്കോട്, കണ്ണൂര്, കാസര്ഗോഡ് എന്നിവിടങ്ങളില് സ്റ്റഡി സെന്ററുകള് ഉണ്ടായിരിക്കും. ഡിപ്ലോമ പൂര്ത്തിയാക്കുന്നവര്ക്ക് നിബന്ധനകള്ക്ക് വിധേയമായി അഡ്വാന്സ് ഡിപ്ലോമയുടെ രണ്ടാം വര്ഷ കോഴ്സിലേക്ക് ലാറ്ററല് എന്ട്രി സൗകര്യവുമുണ്ട്. വിശദവിവരങ്ങള്ക്ക് www.srccc.in എന്ന വെബ്സൈറ്റിലോ 9074635780, 9447049125 എന്ന നമ്പറുകളിലോ ബന്ധപ്പെടുക.
പ്രതികരിക്കാൻ ഇവിടെ എഴുതുക