നിയമസഭയില് പിണറായി സര്ക്കാരിന്റെ നയപ്രഖ്യാപനം പ്രഹസനമായെന്ന് ബിജെപി സംസ്ഥാന പ്രസിഡന്റ് കെ.സുരേന്ദ്രന് പറഞ്ഞു. കൊവിഡ് മഹാമാരിയുടെ ലോക്ക്ഡൗണ് കാലത്ത് ആരേയും പട്ടിണിക്കിടാത്ത സര്ക്കാരാണെന്ന പിണറായിയുടെ അവകാശവാദം കേന്ദ്രസര്ക്കാരിന്റെ നേട്ടമാണെന്നും കൊവിഡ് കാലത്ത് കേന്ദ്രം സൗജന്യ റേഷന് അനുവദിച്ചതു കൊണ്ടാണ് രാജ്യം പട്ടിണിയില് നിന്നും രക്ഷപ്പെട്ടതെന്നും അദ്ദേഹം പറഞ്ഞു.
സമാധാനപരമായ അധികാര കൈമാറ്റമാണ് ആഗ്രഹിക്കുന്നതെന്ന് ഡോണള്ഡ് ട്രംപ്
അഴിമതിയില് മുങ്ങിക്കുളിച്ച സര്ക്കാരാണിതെന്നും കൊവിഡിനെ നേരിടാന് നിരവധി പദ്ധതികള് ആവിഷ്ക്കരിച്ചുവെന്നാണ് സര്ക്കാര് പറയുന്നതെന്നും കൊവിഡ് രോഗം സാധാരണ ജനജീവിതത്തെ സാരമായി ബാധിച്ചുവെന്നും കൊവിഡ് രോഗികളുടെ എണ്ണം കുറയ്ക്കാന് സര്ക്കാരിന് കഴിയുന്നില്ലെന്നും അദ്ദേഹം പറഞ്ഞു.
20000 കോടിയുടെ കൊവിഡ് പാക്കേജ് പ്രഖ്യാപിച്ചതിനെ പറ്റി നയപ്രഖ്യാപനത്തില് എടുത്ത് പറയാന് സര്ക്കാരിന് നാണമില്ലേയെന്നും സാമ്പത്തിക പാക്കേജില് ഒരു മൊട്ടുസൂചിയുടെ സഹായം പോലും ആര്ക്കെങ്കിലും കിട്ടിയോ എന്നും സര്ക്കാരിന്റെ അഭിമാന പദ്ധതികള് മുന്നോട്ട് കൊണ്ടുപോകാന് കേന്ദ്ര ഏജന്സികള് തടസം നില്ക്കുന്നുവെന്നാണ് പറയുന്നതെന്നും സ്വര്ണക്കടത്തും ഡോളര്ക്കടത്തും കിഫ്ബി തട്ടിപ്പുമാണോ അഭിമാന പദ്ധതിയെന്നും സുരേന്ദ്രന് ചോദിക്കുകയുണ്ടായി.
പ്രതികരിക്കാൻ ഇവിടെ എഴുതുക