തിരുവനന്തപുരം:മുഖ്യമന്ത്രി പിണറായി വിജയനെതിരെ ധര്മടത്ത് മികച്ച സ്ഥാനാര്ഥിയെ മത്സരിപ്പിക്കുമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. ധര്മടം സീറ്റ് യുഡിഎഫ് ഘടകകക്ഷിയായ ഫോര്വേര്ഡ് ബ്ലോക്കിന് നല്കിയതാണ്.
അവര് മത്സര രംഗത്തു നിന്നു പിന്മാറിയാല് കോണ്ഗ്രസ് ശക്തനായ സ്ഥാനാര്ഥിയെ നിര്ത്തും. നേമത്തും ശക്തനായ സ്ഥാനാര്ത്ഥിയെ ഇറക്കുമെന്ന് താന് ആദ്യം പറഞ്ഞതാണ്. അത് ഇപ്പോള് യാഥാര്ഥ്യമായെന്നും മുല്ലപ്പള്ളി പറഞ്ഞു.
ലതിക സുഭാഷിന്റെ പ്രതിഷേധം ദൗര്ഭാഗ്യകരമാണ്. അവര്ക്കു സീറ്റ് നല്കണമെന്നാണ് ആഗ്രഹിച്ചത്. ഏറ്റുമാനൂര് സീറ്റാണ് ലതിക ചോദിച്ചത്. എന്നാല് മുന്നണി മര്യാദയെ തുടര്ന്ന് ആ സീറ്റ് ഘടകകക്ഷിക്ക് നല്കാന് നിര്ബന്ധിതമായി. അതുമായി ബന്ധപ്പെട്ടു സീറ്റ് വിഭജന ചര്ച്ചകള് വഴിമുട്ടിയത് കേരളം കണ്ടതാണ്. മറ്റൊരു സീറ്റ് നല്കാമെന്ന് പറഞ്ഞെങ്കിലും ലതിക സുഭാഷ് സ്വീകരിച്ചില്ല.
പ്രതികരിക്കാൻ ഇവിടെ എഴുതുക