റെയില്വേ സ്വകാര്യവത്കരിക്കില്ലെന്നും, കാര്യക്ഷമമായ പ്രവര്ത്തനത്തിന് കൂടുതല് സ്വകാര്യ നിക്ഷേപം വരുന്നത് പ്രോത്സാഹിപ്പിക്കുമെന്നും കേന്ദ്ര റെയില്വേ മന്ത്രി പിയൂഷ് ഗോയല് പറഞ്ഞു. ആവശ്യമായ ഭൂമി വിട്ടുകിട്ടാത്തത് കേരളത്തിലെ റെയില്വേ വികസനത്തിന് തടസമാകുന്നുവെന്ന് മന്ത്രി പറഞ്ഞു. സംസ്ഥാന സര്ക്കാരില്നിന്ന് ഇക്കാര്യത്തില് ഫലപ്രദമായ നടപടികള് ഉണ്ടാകുന്നില്ലെന്നും അദ്ദേഹം വ്യക്തമാക്കി.
പൊതു-സ്വകാര്യ മേഖലകള് ഒരുമിച്ചു പ്രവര്ത്തിച്ചാല് മാത്രമേ രാജ്യത്ത് വളര്ച്ചയും കൂടുതല് തൊഴിലവസരങ്ങളും ഉണ്ടാകൂവെന്നും ഇന്ത്യന് റെയില്വേ എന്നാല് ഓരോ ഇന്ത്യക്കാരന്റെയും സ്വത്താണെന്നും അത് തുടരുമെന്നും റെയില്വേ എക്കാലവും സര്ക്കാരിന്റെ തന്നെ ഭാഗമായിരിക്കുമെന്നും മന്ത്രി പാര്ലമെന്റില് പറഞ്ഞു.
പ്രതികരിക്കാൻ ഇവിടെ എഴുതുക