അസമിലെ രണ്ടാംഘട്ട വോട്ടെടുപ്പില് ബിജെപി അട്ടിമറി നടത്തിയെന്ന ആരോപണവുമായി കോണ്ഗ്രസ് രംഗത്ത്. ഇന്നലെ രാത്രി പത്താര്കണ്ഡി മണ്ഡലത്തിലെ ബിജെപി സ്ഥാനാര്ത്ഥി കൃഷ്ണേന്ദു പോളിന്റെ കാറില് നിന്നും ഇവിഎമ്മുകള് കണ്ടെത്തിയ പശ്ചാത്തലത്തിലാണ് ആരോപണം.
കൃത്രിമത്തിലൂടെ മാത്രമേ ബിജെപിക്കു ജയിക്കാനാകൂ എന്ന് മനസിലാക്കിയാണ് ഈ നീക്കങ്ങള് എന്ന് കോണ്ഗ്രസ് നേതാവ് ഗൗരവ് ഗൊഗോയ് പറഞ്ഞു. ബിജെപി സ്ഥാനാര്ത്ഥിയുടെ കാറില് നിന്ന് ഇന്നലെ രാത്രിയാണ് ഇവിഎം മെഷീനുകള് കണ്ടെത്തിയത്. കാര് തടഞ്ഞുനിര്ത്തി നാട്ടുകാരാണ് കാറിന്റെ ഡിക്കിയില് നിന്ന് ഇവിഎം മെഷീനുകള് കണ്ടെത്തിയത്. ഇതിന്റെ ദൃശ്യങ്ങള് നാട്ടുകാര് പുറത്തുവിട്ടിട്ടുണ്ട്.
പ്രതികരിക്കാൻ ഇവിടെ എഴുതുക