കൊച്ചി; ലക്ഷദ്വീപ് നിവാസികളുടെ പ്രതിഷേധം തുടരുന്നതിനിടെ അഡ്മിനിസ്ട്രേറ്റര് പ്രഫുല് പട്ടേലിന് വാട്സാപ്പ് സന്ദേശം അയച്ചെന്നാരോപിച്ച് നാല് ദ്വീപ് പേരെ പൊലീസ് കസ്റ്റഡിയിലെടുത്തു. അഗത്തി ദ്വീപില് നിന്നുള്ള മൂന്ന് പേരും ബിത്ര ദ്വീപില് നിന്നുള്ള ഒരാളുമാണ് കസ്റ്റഡിയിലുള്ളത്.
ഇതില് അഗത്തി ദ്വീപില് നിന്നുള്ള രണ്ട് പേര് 18 വയസിന് താഴെ പ്രായമുള്ള വിദ്യാര്ത്ഥികളാണ്. ഹായ് എന്ന സന്ദേശമാണ് ഇവര് അഡ്മിനിസ്ട്രേറ്റര്ക്ക് അയച്ചതെന്നും ദ്വീപ് നിവാസികള് പറയുന്നു.
കസ്റ്റഡിയില് എടുത്തവരില് ഒരാള് സര്ക്കാര് ഉദ്യോഗസ്ഥനാണ്. കോവിഡിന്റെ പശ്ചാത്തലത്തില് പ്ലക്കാര്ഡുമായി വീടുകള്ക്ക് മുന്നിലാണ് പ്രദേശവാസികള് അഡ്മിനിസ്ട്രേറ്ററുടെ നടപടികള്ക്കെതിരെ പ്രതിഷേധിക്കുന്നത്. ഇതിന്റെ ഭാഗമായാണ് വാട്സാപ്പ് സന്ദേശങ്ങള് അയച്ചത്.
പ്രതികരിക്കാൻ ഇവിടെ എഴുതുക