രാജ്യത്ത് ഭീതി പടർത്തി പരക്കുന്ന കൊവിഡ് വൈറസ് ബാധയുടെ രണ്ടാം തരംഗത്തിന്റെ തീവ്രഘട്ടം അവസാനിച്ചതായി കേന്ദ്രം. ഇന്ത്യയുടെ 350 ജില്ലകളില് നിലവില് ടെസ്റ്റ് പോസിറ്റിവിറ്റി നിരക്ക് അഞ്ചു ശതമാനത്തില് താഴെയാണെന്നും 145 ജില്ലകളില് അഞ്ചിനും പത്ത് ശതമാനത്തിനും ഇടയിലാണ് നിരക്കെന്നും, ബാക്കിയുള്ള 239 ജില്ലകളിലാണ് പത്ത് ശതമാനത്തിന് മുകളില് ടെസ്റ്റ് പോസിറ്റിവിറ്റി നിരക്കുള്ളതെന്നും കേന്ദ്രം സ്ഥിരീകരിച്ചു.
ലോകാരോഗ്യ സംഘടനയുടെ നിര്ദേശമനുസരിച്ച് ഒരു പ്രദേശത്ത് തുടര്ച്ചയായി രണ്ടാഴ്ചകളില് ടെസ്റ്റ് പോസിറ്റിവിറ്റി നിരക്ക് രണ്ടാഴ്ച തുടര്ച്ചയായി അഞ്ചു ശതമാനത്തില് താഴെയാണെങ്കില് കൊവിഡ് വ്യാപനം സ്ഥിരതയിലാണെന്ന് പറയാം. ഏപ്രില് ആദ്യ വാരത്തില് ഇന്ത്യയിലെ 200 ല് താഴെ ജില്ലകളില് മാത്രമായിരുന്നു ടെസ്റ്റ് പോസിറ്റിവിറ്റി 10 ശതമാനത്തിന് മുകളില്. ഏപ്രില് അവസാനത്തോടെ ഇത് 600 ജില്ലകളായി ഉയര്ന്നു.
പ്രതികരിക്കാൻ ഇവിടെ എഴുതുക