സുകുമാറിന്റെ സംവിധാനത്തില് ഒരുങ്ങുന്ന ആക്ഷന് ത്രില്ലര് ചിത്രം ‘പുഷ്പ’യില് അല്ലു അർജുൻ വാങ്ങുന്ന പ്രതിഫലമാണ് ഇപ്പോ സോഷ്യൽ മീഡിയയിൽ ചര്ച്ചയായിരിക്കുന്നത്. പുഷ്പയിലെ അഭിനയത്തിന് അല്ലു വാങ്ങുന്നത് 60 മുതല് 70 കോടി രൂപ വരെയാണെന്നാണ് തെലുങ്ക് മാധ്യമങ്ങള് റിപ്പോര്ട്ട് ചെയ്യുന്നത്.
‘അല വൈകുണ്ഠപുരമുലൂ’ എന്ന കഴിഞ്ഞ ചിത്രത്തിന് 35 കോടിയാണ് അല്ലു വാങ്ങിയിരുന്നതെന്നും അതേ പ്രതിഫലം തന്നെയാണ് പുഷ്പയുടെ കരാറിലും ആദ്യം ആവശ്യപ്പെട്ടിരുന്നതെന്നും റിപ്പോര്ട്ടുകള് പറയുന്നു. എന്നാല് ചിത്രം രണ്ടു ഭാഗങ്ങളിലായി പുറത്തിറക്കാന് സംവിധായകന് തീരുമാനിച്ചതോടെ പ്രതിഫലവും ഇരട്ടിയാക്കാന് താരം തീരുമാനിക്കുകയായിരുന്നുവെന്ന് തെലുങ്ക് മാധ്യമങ്ങള്.
പ്രഖ്യാപന സമയം മുതലേ പ്രേക്ഷകശ്രദ്ധയിലുള്ള ചിത്രമാണ് ഇത്. പ്രതിനായക വേഷത്തിലെത്തുന്നത് ഫഹദ് ഫാസില് ആണ് എന്നതിനാല് മലയാളി സിനിമാപ്രേമികള്ക്കിടയിലും പ്രത്യേക കൗതുകം സൃഷ്ടിച്ചിട്ടുണ്ട് ചിത്രം. രണ്ടര മണിക്കൂറില് കഥ പറഞ്ഞുതീര്ക്കാന് പ്രയാസമാണെന്നത് ബോധ്യപ്പെട്ടതിനാലാണ് രണ്ട് ഭാഗങ്ങളായുള്ള റിലീസിന് അണിയറക്കാര് തീരുമാനിച്ചിരിക്കുന്നത്.
പ്രതികരിക്കാൻ ഇവിടെ എഴുതുക