തിരുവനന്തപുരം:സംസ്ഥാനത്ത് വെള്ളിയാഴ്ച മുതല് കാലാവസ്ഥ ശക്തിപ്രാപിക്കുമെന്ന് കേന്ദ്ര കാലാവസ്ഥ വകുപ്പിന്റെ പ്രവചനം.11 ജില്ലകളില് ജാഗ്രതാ നിര്ദേശം നല്കി. തിരുവനന്തപുരം,പാലക്കാട്,തൃശൂര് ഒഴികെയുള്ള ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
ശനി, ഞായര് ദിവസങ്ങളിലും സംസ്ഥാനത്ത് മഴ ലഭിക്കും. ഈ ദിവസങ്ങളില് തിരുവനന്തപുരം ഒഴികെയുള്ള ജില്ലകളില് ജാഗ്രതാ നിര്ദേശം നല്കിയിട്ടുണ്ട്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കാമെന്നാണ് മുന്നറിയിപ്പില് പറയുന്നത്.ഒറ്റപ്പെട്ട ശക്തമായ മഴയ്ക്കുള്ള സാദ്ധ്യതയാണ് നിലനില്ക്കുന്നത്.
വെള്ളി മുതല് ഞായര് വരെ കേരള തീരത്ത് മണിക്കൂറില് 50 കിലോമീറ്റര് വരെ വേഗതയില് വീശിയടിച്ചേക്കാവുന്ന ശക്തമായ കാറ്റിന് സാദ്ധ്യതയുണ്ട്.കാലവര്ഷം ശക്തിപ്രാപിക്കുന്ന സാഹചര്യത്തിൽ കേരള തീരത്തു നിന്ന് മത്സ്യബന്ധനത്തിനു പോകാന് പാടില്ലെന്ന് കാലാവസ്ഥ വകുപ്പ് മുന്നറിയിപ്പ് നല്കി.ഈ ദിവസങ്ങളില് മത്സ്യത്തൊഴിലാളികള് മത്സ്യബന്ധനത്തിന് പോകാന് പാടില്ലെന്നും മുന്നറിയിപ്പില് പറയുന്നുണ്ട്.
പ്രതികരിക്കാൻ ഇവിടെ എഴുതുക