തമിഴ് നടൻ ശിവകാർത്തികേയന് ആൺകുഞ്ഞ് ജനിച്ചു. താരം തന്നെയാണ് കുഞ്ഞ് പിറന്നതിന്റെ സന്തോഷം സമൂഹ മാധ്യമങ്ങളിലൂടെ പങ്കുവെച്ചത്. ഒപ്പം ഹൃദയസ്പർശിയായ കുറിപ്പും അദ്ദേഹം പങ്കുവെച്ചിട്ടുണ്ട്.
’18 വർഷങ്ങൾക്കിപ്പുറം എന്റെ അച്ഛൻ എന്റെ മകനായി വിരലുകളിൽ പിടിച്ചിരിക്കുന്നു. വർഷങ്ങളായി എന്റെ സങ്കടങ്ങൾ ഇല്ലാതാക്കാൻ ഏറെ വേദനകൾ സഹിക്കുന്ന എന്റെ ഭാര്യ ആരതിക്ക് കണ്ണുനീരാൽ നന്ദി’, ശിവകാർത്തികേയൻ കുറിച്ചു.
അമ്മയും കുഞ്ഞും സുഖമായിരിക്കുന്നതായും അദ്ദേഹം അറിയിച്ചു. 2010ലാണ് ശിവകർത്തികേയനും ആരതിയും വിവാഹിതരാകുന്നത്. ഇരുവർക്കും ആരാധന എന്നൊരു മകൾ കൂടെയുണ്ട്.
ഡോക്ടർ എന്ന ചിത്രമാണ് ശിവകർത്തികേയന്റേതായി റിലീസിന് ഒരുങ്ങുന്നത്. നെൽസൺ ദിലീപ്കുമാർ സംവിധാനം ചെയ്ത ചിത്രം ഒടിടി റിലീസ് ചെയ്തേക്കുമെന്ന സൂചനയുണ്ട്.
പ്രതികരിക്കാൻ ഇവിടെ എഴുതുക