കൊല്ലം: ഉത്ര കൊലക്കേസില് ഡമ്മി പരീക്ഷണം നടത്തി അന്വേഷണ സംഘം. ഉത്രയുടെ ഡമ്മിയില് മൂര്ഖനെ കൊണ്ട് കടിപ്പിച്ചു. മൂന്ന് പാമ്പുകളെ ഉപയോഗിച്ചായിരുന്നു പരീക്ഷണം.
ഉത്രയുടെ ശരീരഭാരത്തിലുള്ള ഡമ്മി തയ്യാറാക്കിയായിരുന്നു പൊലീസിന്റെ പരീക്ഷണം. ഈ ഡമ്മിയില് കൈഭാഗത്ത് കോഴിയിറച്ചി കെട്ടിവെച്ചു. തുടര്ന്ന് മൂര്ഖന് പാമ്പിനെക്കൊണ്ട് കടിപ്പിക്കുകയും മുറിവിന്റെ ആഴം കണ്ടെത്തുകയുമായിരുന്നു.
കഴിഞ്ഞ വര്ഷം ജൂലായില് വനംവകുപ്പിന്റെ സംസ്ഥാന ട്രെയിനിങ് ഇന്സ്റ്റിറ്റിയൂട്ടിലാണ് പരീക്ഷണം സംഘടിപ്പിച്ചത്. ഇതിന്റെ വീഡിയോ ദൃശ്യങ്ങളും രേഖകളും പൊലീസ് സംഘം കോടതിയില് സമര്പ്പിച്ചിട്ടുണ്ട്.
പാമ്പ് ഒരാളെ സ്വയം കടിക്കുമ്പോള് ഉണ്ടാകുന്ന മുറിവും പ്രകോപിപ്പിച്ച് കടിപ്പിക്കുമ്പോള് ഉണ്ടാകുന്ന മുറിവും വ്യത്യസ്തമായിരിക്കും. ഇത് തെളിയിക്കാനാണ് കൊല്ലത്തെ അരിപ്പ വനംവകുപ്പ് ഇന്സ്റ്റിറ്റിയൂട്ടില് അത്യപൂര്വ്വമായ പരീക്ഷണം നടത്തിയത്.
സ്വാഭാവികമായി പാമ്പ് കടിയേല്ക്കുമ്പോളും പാമ്പിനെ കൊണ്ട് കടിപ്പിക്കുമ്പോഴും തമ്മിലുള്ള വ്യത്യാസം ഇതിലൂടെ വ്യക്തമാവുകയും ചെയ്തു.
പ്രതികരിക്കാൻ ഇവിടെ എഴുതുക