സൈനിക പ്രതിരോധ കരാറുകാരനും റിപ്പബ്ലിക്കൻ പ്രവർത്തകനുമായ എറിക് പ്രിൻസ്, അഫ്ഗാനിസ്ഥാനിലെ കാബൂളിൽ നിന്ന് ഒരു ചാർട്ടേഡ് ഒഴിപ്പിക്കൽ ഫ്ലൈറ്റിൽ ഓരോ സീറ്റിനും 6,500 ഡോളർ ഈടാക്കാൻ പദ്ധതിയിടുന്നതായി വാൾ സ്ട്രീറ്റ് ജേണൽ ബുധനാഴ്ച റിപ്പോർട്ട് ചെയ്തു.
എയർപോർട്ടിലേക്കുള്ള പ്രവേശനവും ഫ്ലൈറ്റ് ഔട്ട് ഫീസും ഈ ഫീസ് കവർ ചെയ്യുമെന്ന് പ്രിൻസ് പറഞ്ഞു, എന്നാൽ ക്യാപിറ്റോൾ നഗരത്തിനുള്ളിൽ നിന്ന് എയർപോർട്ടിലേക്ക് ഗതാഗതം ആവശ്യമെങ്കിൽ യാത്രക്കാരോട് കൂടുതൽ തുക ഈടാക്കും.
ചാര്ട്ടേഡ് വിമാനത്തില് അഫ്ഗാനിസ്താനില്നിന്നും അമേരിക്കയിലേക്ക് എത്തിക്കാമെന്ന് പറഞ്ഞാണ്, ദുരന്തസമയത്ത് യാത്രക്കാരെ പിടിച്ചുപറിക്കാനുള്ള ശ്രമം. മുന് പ്രസിഡന്റ് ടൊണാള്ഡ് ട്രംപിന്റെ സ്വന്തക്കാരനായ വിവാദ സ്വകാര്യ മിലിറ്ററി ഡിഫന്സ് കോണ്ട്രാക്ടര് എറിക് പ്രിന്സാണ് അഫ്ഗാന് ദുരന്തത്തില്നിന്നും ലാഭം കൊയ്യാന് ശ്രമിക്കുന്നത്.
അഫ്ഗാനിസ്താനില്നിന്നും അമേരിക്കയിലേക്ക് ഏകദേശം 1700 ഡോളറാണ് സാധാരണ വിമാന നിരക്ക്. സീസണിനനുസരിച്ച് ഈ തുക 800 ഡോളറിലേക്ക് കുറയാനും 2000 ഡോളര് വരെ കൂടാനുമാണ് സാദ്ധ്യതയെന്നാണ് ഈ രംഗത്തുള്ളവര് പറയുന്നത്.
എന്നാല്, ഒരാള്ക്ക് 6500 യു എസ് ഡോളര് ഈടാക്കാനാണ് കുപ്രസിദ്ധമായ സ്വകാര്യ മിലിറ്ററി കരാര് കമ്പനിയായ ബ്ലാക്ക് വാട്ടറിന്റെ സ്ഥാപകന് എറിക് പ്രിന്സിന്റെ പദ്ധതി. താലിബാന് ചെക്ക്പോസ്റ്റുകളിലൂടെ ആളുകളെ വിമാനത്താവളത്തിലും അവിടെനിന്നും അമേരിക്കയിലും എത്തിക്കാമെന്നാണ് ഇയാളുടെ ഓഫര്.
അതിനിടെ,, വൈറ്റ് ഹൗസ്പ്രസ് സെക്രട്ടറി ജെന് സാകി ഈ പദ്ധതിയുടെ മനുഷ്യത്വമില്ലായ്മ ചൂണ്ടിക്കാട്ടി രംഗത്തുവന്നു. ”ജീവനില് കൊതിപൂണ്ട് ഒരു രാജ്യം വിടാന് ശ്രമിക്കുന്നവരുടെ വേദനകളും ആശങ്കകളും വിറ്റ് കാശാക്കാന് ഹൃദയമോ ആത്മാവോ ഉള്ള ഒരാള്ക്കും കഴിയുമെന്ന് താന് കരുതുന്നില്ലെന്ന് അവര് ഫോക്സ് ന്യൂസിനോട് പറഞ്ഞു.
പ്രതികരിക്കാൻ ഇവിടെ എഴുതുക