കോട്ടയം: കോട്ടയം പാലായില് സുഹൃത്തിന്റെ അമ്മയുടെ മോര്ഫ് ചെയ്ത ചിത്രങ്ങൾ സമൂഹ മാധ്യമങ്ങളിൽ വില്പന നടത്തി പണം സമ്ബാദിച്ച യുവാവ് പിടിയിലായി.
വള്ളിച്ചിറ കച്ചേരിപ്പറമ്ബില് ജെയ്മോനാണ് അറസ്റ്റിലായത്. ഇയാള്ക്കെതിരെ നേരത്തേയും സമാനമായ കേസുകളുണ്ടായിട്ട് ഉണ്ടെന്നു പൊലീസ് വ്യക്തമാക്കി.
ഇരയായ സ്ത്രീയുടെ പേരില് സമൂഹ മാധ്യമങ്ങൾ ആയ ടെലിഗ്രാമിലും share ചാറ്റിലും അക്കൗണ്ട് എടുത്തു ഈ ചിത്രങ്ങൾ ദുരുപയോഗം ചെയ്തു. സ്ത്രീയുടെ യഥാര്ഥ ചിത്രങ്ങള് ഉപയോഗിച്ചിട്ടുള്ളതായിരുന്നു അക്കൗണ്ടുകള്. വീട്ടമ്മ അറിയാതെ എടുത്ത ചിത്രങ്ങളാണ് ഇതിനായി ജയ്മോന് ഉപയോഗിച്ചത്.
പിന്നീട് അപരിചിതരായ ആളുകളോട് സ്ത്രീയെന്ന വ്യാജേന ചാറ്റ് ചെയ്ത് അടുപ്പം ഉണ്ടാകുകയും അതിന് ശേഷം പണം വാങ്ങി അവര്ക്ക് സ്ത്രീയുടെ മോര്ഫ് ചെയ്ത നഗ്നചിത്രങ്ങള് അയച്ചു നൽകി. ഗൂഗിള് പേ അക്കൗണ്ട് വഴിയായിരുന്നു പണമിടപാടുകള്. ഇങ്ങനെ ജെയ്മോന് ആറ് മാസം കൊണ്ട് ഒന്നരലക്ഷത്തോളം രൂപയാണ് സമ്ബാദിച്ചത്. കൂട്ടുകാര്ക്കൊപ്പം ഉല്ലസിക്കാനും മദ്യപിക്കാനുമാണ് ഇയാള് ഈ പണം ചെലവഴിച്ചത്.
വീട്ടമ്മയുടെ ഭര്ത്താവ് കേസ് നല്കിയതിനെ തുടര്ന്ന് ജെയ്മോന് ഒളിവില് പോയിരുന്നു. ഒളിവിലായിരുന്ന സമയത്ത് പൊലീസിനെതിരെ ഹൈക്കോടതിയിലും മനുഷ്യാവകാശ കമ്മീഷനിലും ഉന്നത പൊലീസ് ഉദ്യോഗസ്ഥര്ക്കും ഇയാള് വ്യാജ പരാതികളും അയച്ചു. പൊലീസിന് കിട്ടിയ രഹസ്യ വിവരത്തെ തുടര്ന്ന് ചങ്ങനാശ്ശേരി തെങ്ങണയിലെ ബന്ധുവീട്ടില് നിന്നാണ് ജയ്മോനെ പിടികൂടിയത്. പ്രതിക്കെതിരെ കിടങ്ങൂര് പൊലീസ് സ്റ്റേഷനിലും സമാന കേസുണ്ട്. മുണ്ടക്കയത്ത് ഒളിവില് കഴിഞ്ഞിരുന്ന സമയത്ത് മറ്റൊരു സ്ത്രീയുടെ ചിത്രം പകര്ത്താന് പ്രതി ശ്രമിച്ചതായും പരാതിയുണ്ട്.
പ്രതികരിക്കാൻ ഇവിടെ എഴുതുക