അന്തരിച്ച നടൻ റിസബാവയുടെ ഖബറടക്കം ഇന്ന് നടക്കും. മരണശേഷം നടത്തിയ പരിശോധനയിൽ കൊവിഡ് പൊസിറ്റീവ് ആയതിനാൽ പൊതുദർശനം ഒഴിവാക്കി.
സംസ്കാരം രാവിലെ പത്തരയ്ക്ക് കൊവിഡ് പ്രോട്ടോകോൾ പാലിച്ച് ചെമ്പിട്ടപളളി ജുമാ മസ്ജിദ് ഖബറിസ്ഥാനിൽ നടക്കും.
കൊച്ചിയിലെ സ്വകാര്യ ആശുപത്രിയില് ഇന്നലെയായിരുന്നു റിസബാവയുടെ അന്ത്യം. വൃക്ക രോഗത്തെ തുടര്ന്ന് ചികിത്സയിലായിരുന്നു അദ്ദേഹം.
സുന്ദര വില്ലന് കഥാപാത്രങ്ങളിലൂടെ പ്രേക്ഷക ഹൃദയങ്ങളില് ഇടം നേടിയ നടനാണ് റിസ ബാവ. 1984 ല് വിഷുപ്പക്ഷി എന്ന ചിത്രത്തിലൂടെയാണ് സിനിമയില് അരങ്ങേറ്റം കുറിച്ചതെങ്കിലും സിനിമയില് ചുവടുറപ്പിച്ചത് ഇന് ഹരിഹര് നഗറിലെ ജോണ് ഹോനായിയിലൂടെയായിരുന്നു.
150 ഓളം സിനിമകളില് അഭിനയിച്ച റിസ ബാവ അവസാന കാലത്ത് സീരിയല് രംഗത്തേക്ക് ചുവടുമാറ്റിയിരുന്നു.
പ്രതികരിക്കാൻ ഇവിടെ എഴുതുക