മുൻ ഇന്ത്യൻ അണ്ടർ -19 ക്യാപ്റ്റനും 2019-20 സീസണിൽ രഞ്ജി ട്രോഫി നേടിയ ടീമിലെ അംഗവുമായ സൗരാഷ്ട്ര ബാറ്റർ അവീ ബാരോട്ട് ഹൃദയാഘാതത്തെ തുടർന്ന് മരിച്ചു,29 വയസ്സായിരുന്നു.
സൗരാഷ്ട്ര ക്രിക്കറ്റ് അസോസിയേഷൻ (SCA) ആണ് ഇക്കാര്യം അറിയിച്ചത് .കരിയറിൽ ഹരിയാനയെയും ഗുജറാത്തിനെയും പ്രതിനിധീകരിച്ച താരം വെള്ളിയാഴ്ചയാണ് മരിച്ചത്.
“കടുത്ത ഹൃദയസ്തംഭനം മൂലം 2021 ഒക്ടോബർ 15 ന് വൈകുന്നേരം അദ്ദേഹം മരിച്ചു,” എസ്സിഎ പുറത്തിറക്കിയ മാധ്യമ പ്രസ്താവനയിൽ പറഞ്ഞു.
വലംകൈയ്യൻ ബാറ്ററായിരുന്ന ബറോട്ട് 38 ഫസ്റ്റ് ക്ലാസ് മത്സരങ്ങളും 38 ലിസ്റ്റ് എ മത്സരങ്ങളും 20 ആഭ്യന്തര ടി 20 മത്സരങ്ങളും കളിച്ചു.
വിക്കറ്റ് കീപ്പർ ബാറ്റ്സ്മാനായിരുന്ന അദ്ദേഹം ഫസ്റ്റ് ക്ലാസ് മത്സരങ്ങളിൽ 1,547 റൺസും ലിസ്റ്റ്-എ കളികളിൽ 1030 റൺസും ടി 20 യിൽ 717 റൺസും നേടി.
പ്രതികരിക്കാൻ ഇവിടെ എഴുതുക