ആപ്പിളിന്റെ കുറച്ച് പാര്ശ്വഫലങ്ങള് അറിയുന്നതിന് വായിക്കൂ.
ഒരു വ്യക്തിക്ക് ഒരു ദിവസം ഒന്നോ രണ്ടോ ആപ്പിള് കഴിക്കാം. അതിനേക്കാള് കൂടുതല് നിങ്ങള് കഴിക്കുകയാണെങ്കില്, നിങ്ങള്ക്ക് അപകടകരവും അസുഖകരവുമായ ചില പാര്ശ്വഫലങ്ങള് നേരിടേണ്ടിവന്നേക്കാം.
ഊര്ജ്ജസ്രോതസ്സായ കാര്ബോഹൈഡ്രേറ്റുകള് ആപ്പിളില് വളരെ കൂടുതലാണ്. ആപ്പിള് കഴിക്കുന്നത് നിങ്ങളുടെ മാനസികനില ഉയര്ത്തുന്നു. കാരണം ഇത് സെറോടോണിന് പോലുള്ള ന്യൂറോ ട്രാന്സ്മിറ്ററുകളെ ഉത്തേജിപ്പിക്കുന്നു. എന്നാല് അളവിലധികമായി ആപ്പിള് കഴിക്കുന്നത് രക്തത്തിലെ പഞ്ചസാര വര്ദ്ധിപ്പിക്കാന് കാരണമാകും. ഇതില് കാര്ബോഹൈഡ്രേറ്റ് അടങ്ങിയിട്ടുണ്ട് എന്നതുതന്നെ കാരണം. പ്രമേഹ രോഗികള് കാര്ബോഹൈഡ്രേറ്റ് അധികം കഴിക്കരുതെന്ന് പറയാറുണ്ട്. പഴത്തിന്റെ രൂപത്തില് പോലും അധികമായി പഞ്ചസാര അകത്തെത്തുന്നത് ഇന്സുലിന് സംവേദനക്ഷമതയെ ദുര്ബലപ്പെടുത്തുകയും പ്രമേഹ ചികിത്സയെ തടസ്സപ്പെടുത്തുകയും ചെയ്യും.
കാര്ബോഹൈഡ്രേറ്റ് അടങ്ങിയിരിക്കുന്നതിനാല് ആപ്പിള് കഴിക്കുന്നതിലൂടെ ഉടനടി ഊര്ജ്ജം ലഭിക്കുന്നു. എന്നാല് ഇതിന്റെ അമിത ഉപയോഗം നിങ്ങളുടെ ശരീരഭാരം വര്ദ്ധിപ്പിക്കും. കാരണം അധികമായ കാര്ബോഹൈഡ്രേറ്റ് കഴിക്കുന്നത് ശരീരഭാരം വര്ധിക്കാന് കാരണമാകുന്നു. കൂടുതല് ആപ്പിള് കഴിക്കുന്നത് ശരീരത്തെ കൊഴുപ്പ് അലിയിക്കുന്നതില് നിന്ന് തടയുകയും ചെയ്യുന്നു.
സോഡയേക്കാള് അസിഡിറ്റി അടങ്ങിയതാണ് ആപ്പിള്. വളരെയധികം ആപ്പിള് കഴിക്കുന്നത് നിങ്ങളുടെ പല്ലിന് കേടുവരുത്തും. എന്നാല് നിങ്ങള് ഒരു ദിവസം ഒരു ആപ്പിള് മാത്രം കഴിക്കുന്നുവെങ്കില് നിങ്ങളുടെ പല്ലുകളെക്കുറിച്ച് വളരെയധികം വിഷമിക്കേണ്ടതില്ല.
പ്രതികരിക്കാൻ ഇവിടെ എഴുതുക