പെട്രോൾ – ഡീസൽ ഇന്ധന വില നിര്ണയിക്കാനുള്ള അധികാരം സ്വകാര്യ എണ്ണക്കമ്പനികള്ക്ക് വിട്ടുകൊടുത്തതിന് പിന്നാലെ ഇപ്പോൾ ജൈവ ഇന്ധനമായ എഥനോളിന്റെ വില നിര്ണയിക്കാനുള്ള അധികാരവും കേന്ദ്രസര്ക്കാര് എണ്ണക്കമ്പനികള്ക്ക് നൽകി. ഇന്ന് ചേർന്ന കേന്ദ്ര മന്ത്രിസഭാ യോഗത്തിലാണ് തീരുമാനമുണ്ടായത്.
ആദ്യ ഘട്ടത്തിൽ 2ജി എഥനോളിന്റെ വില നിര്ണയിക്കാനുള്ള അവകാശമാണ് എണ്ണക്കമ്പനികള്ക്ക് നല്കാന് കേന്ദ്ര സർക്കാർ തീരുമാനിച്ചത്. വില നിര്ണയത്തിനുള്ളഅധികാരം ലഭിക്കുന്നതോടെ വിപണിയില് മത്സരം വര്ധിക്കുമെന്നും കരിമ്പില് നിന്നാണ് എഥനോള് നിര്മിക്കുന്നത് എന്നതിനാല് കരിമ്പ് കര്ഷകര്ക്ക് ഇത് ഗുണപ്രദമാകുമെന്നുമാണ് സര്ക്കാര് വാദിക്കുന്നത്. പക്ഷെ ഇതിന്റെ ശരിയായ ഗുണം ലഭിക്കുക കമ്പനികള്ക്കായിരിക്കും.
നിലവിൽജൈവ ഇന്ധനമായ എഥനോളിന്റെ വില വര്ധിപ്പിക്കാനും കേന്ദ്രസര്ക്കാര് തീരുമാനിച്ചിട്ടുണ്ട്. ഇത് പ്രകാരം വിവിധ എണ്ണക്കമ്പനികള് വാങ്ങുന്ന എഥനോളിന്റെ വിലയില് ഡിസംബര് ഒന്ന് മുതല് മാറ്റമുണ്ടാകും. ഹെവി മൊളാസസില് നിന്നുള്ള എഥനോളിന്റെ വില 45.69 രൂപയില് നിന്ന് 46.66 രൂപയാക്കും. ബി ഹെവി മൊളാസസില് നിന്നുള്ളതിന് 57.61 രൂപയില് നിന്ന് 59.08 രൂപയാക്കിയും ഉയര്ത്തി. പഞ്ചസാര, കരിമ്പ് ജ്യൂസ്, സിറപ്പ് എന്നിവയില് നിന്നുള്ള എഥനോളിന് 62.65ല് നിന്നും 63.45 രൂപയായും ഉയരും.
പ്രതികരിക്കാൻ ഇവിടെ എഴുതുക